Hâux lưv uô kôngz lông, lax luôv ntơưv thax tsav hâur ntu đhâu tâu tsưx truôx, muôx ntâu zav hax huv, fiv huv trâu pêx xênhv cêr sir zôngv. Taz sik, iz cxia hax huv tsar gri, yax hlo zos trox yêz, trox a tsar siaz. Txix li têx zav muôx yưv ntơư, Chi cục Saiz car ciaz khư tưz moz siaz saz lax, fuô lês ntâu faz tsưr ziv cxênhz yuôx ciaz khư, tsik chia muôx yưv hâux lưv tsês trox yêz, trox ar tsik muôs lok sik tsar gri siaz.

Chi cục Saiz car ciaz khư tưz tso tơưv yax 300 ntâuz ntơưr chox car, muôx hur si quyết định, cêr tuôr xav, công văn, báo cáo… chia lês mênhx pêv têx ntâuz ntơưr chox car ntơưv Trung ương thiaz ntơưv tỉnh. Đros ntơư, côngz xưv cxênhz yuôx cux tâu moz siaz fuô lês, txix li têx hax huv sir zôngv hâur cxuô hnuz li: Kak nox, chơưr, bia, suôz thax, txos trâu têx trox yêz, trox a, zênhz gaz ntơưr... Têx nênhs muôx vax huôv tưz moz siaz cxênhz yuôx têx qơư muôs ntâu, qơư tsês hax huv, têx cêr tsênhv chênhz thiaz hur si têx nênhs muôs hax huv sâuv mạng.

Yax hlo, txix li trox yêz, trox a muôx tsơưs, têx nênhs saiz car ciaz khư tưz moz siaz lês jông côngz xưv uô lax luôv, nzor cxênhz pov têx nênhs cxâuv chai, tsi njênhk muôx txâuk trox yêz, trox a muôs trâu pêx xênhv sir zôngv.

Côngz xưv cxênhz yuôx, bluô têx nênhs cxâuv tâu fuô lês ntov nti thiaz lês tâu ntâu zav txâuk kruôk. Txix hâu shông txos nhiv no, têx nênhs saiz car ciaz khư tưz cxênhz yax 300 jâus, bluô yax 273 txuz nênhs cxâuv, tsar siaz njuôk li chaix no tsaiz no. Hur si nhiax bluô trâu têz qơưk tâu yax 2,4 tỷ đaiv, tsar zuôr luôs 198,8%; têx hax huv thuk tâu thiaz phâuk por tsês xav yax 1,2 tỷ đaiv.

Têx nênhs cxâuv chai phênhv ntâu zos uô lax luôv muôs têx hax huv chuôr, tsik pâuz qơư uô tơưv, cxâuv lok sâuv ntơưr lo. Saz kak nox tưz bluô 67 txuz, yax 460 triệu đaiv. Têx zav lês tâu ntơư, kria pâuz mênhx kror moz siaz sir jos ntơưv têx nênhs muôx vax huôv hâur cxênhz yuôx hâux lưv uô lax luôv ntơưv thax tsav.

Hâur luz Tsiaz têz qơưk Paz saiz car ciaz khư số 1 tưz đros Phòng PC03 Công an tỉnh cxênhz yuôx iz cxia yêz thâux hax huv ntơưv phường Chiềng Sinh, cxênhz pov yax 2,2 tấn graix txiak tưz tsik jông, tsik muôx ntâuz ntơưr zuôr kror tưs lok; bluô yax 35 triệu đaiv thiaz muôz hur si têx graix ntơư phâuk por tsês. Uô ntêx ntơư, Paz saiz car ciaz khư số 3 tưz cxênhz yuôx iz cxia zis uô lax luôv ntơưv phường Thảo Nguyên, pov yax 20 luz xor tôngx iPhone tsik muôx ntâuz ntơưr; cơ quan muôx vax huôv tưz bluô 35 triệu đaiv, đros ntơư thuk hur si têx chuôz zênhx, xã yax 85 triệu đaiv trơưk đraiv cêr chai.

Zơưs Nguyễn Viết Thông, Phó Chi cục trưởng Chi cục Saiz car ciaz khư tỉnh Sơn La, thav pâuz: Đros trâu côngz xưv cxênhz yuôx, Chi cục Saiz car ciaz khư tưz siz khov đros têx nênhs muôx vax huôv: Công an, Hải quan, Tuz lênhv Đriv têz lok sâuv phax tar têx nênhs muôs hax huv chuôr, hax huv tsik txâuk chai. Txix hâu shông txos nhiv no tưz siz khov cxênhz yuôx, bluô 211 txuz, đros trâu hur si nhiax bluô mal 1,5 tỷ đaiv, xav têx hax huv cxâuv chai mal 1,2 tỷ đaiv. Cêr siz khov ntơư tưz paz lês tâu jông hâux lưv saiz car, yax hlo zos ntơưv têx thax tsav zov chênhr. Iz chas ntơư, côngz xưv fuô kria cêr chai têz qơưk cux tâu moz siaz txos. Pêz tưz kriz chos luk trâu 633 qơư uô lax luôv, phaiz 1.200 đaiv ntơưr fuô kria thiaz tso ntâu jax xor mông chia cov paz trâu pêx xênhv thiaz tsêr luôv cxaz nzir cêr pâuz.

Ntơưv phường Tô Hiệu, hâux lưv uô lax luôv tưz lov jêv ntưk, têx zis uô lax luôv tưz pov tâu ntâu zav jông hâur côngz xưv saiz car ciaz khư. Muôv Nguyễn Thị Huyền, iz zis nênhs muôs hax huv thav pâuz: Hâux lưv cxênhz yuôx ntơưv têx nênhs muôx vax huôv tưz tâu kriz tsik so, paz trâu têx zis uô lax luôv  lês trơưk đraiv cêr chai. Têx hax huv muôs tâu jông, pêx xênhv tso siaz zuôr hax huv muk sir zôngv.

Tuôr xav hâur ntu zuôr txos, zuôr muôx ntâu zav txơưr txar, têx nênhs muôs hax huv chuôr, hax huv tsik txâuk chai zuôr tsar siaz. Viv li têx nênhs muôx vax huôv tuôr xav tror moz siaz fuô lês cxix cxuô têx tsưr ziv li: Moz siaz cxênhz yuôx trơưk chuyên đề, moz siaz hlôngr pâur số, lês ntov chai hâur ntu uô nuv.

Hâux lưv cxênhz yuôx tưz paz trâu têx hax huv tsik tsar gri, por hưv tâu jông têx nênhs sir zôngv vax huôv zos chai. Ntơư cux zos qơư chuôz jos zov chênhr chia Sơn La huôv tsar nhiax txiax truôx njês hâur ntyu đros oz chas têz siz khov li nhiv no./.