Pos Hoàng Thị Hồng, Chủ tịch UBPX xã, thav pâuz: Moz siaz muôz nhiax lês hâux lưv zos iz hâur têx tsưr ziv zov chênhr, paz max huôv tsar nhiax txiax - xã hội hâur thax tsav, paz trâu pêx xênhv luz nênhx tâu jông đuô. Chia cov lês hâux lưv tâu trơưk cêr tuôr xav, xã tưz chox car têx cơ quan chuyên môn cxiz đơn vị lês hâux lưv gruô hu tiz nênhs, mair chia lês cov tâu nuv sai; cxênhz yuôx têx hâux lưv thâuv lês tiar. Haik txos têx dự án phiv liv lok sâuv sâu ar tror kaz, thơưx car xã tưz chox car chia đơưk zênhx max; dự án cxiv puôz yiaz sir jos uô cov tiar ntâuz ntơưr chia fuô lês cias thâuv txâuk chai.

Ntơưv dự án txox cêr yêz muk ntơưv tiểu khu 26/3 txos trâu tiểu khu 10, xã Mai Sơn, têx đơn vị lês hâux lưv taz tov sir jos cxiv puôz thâuv tâu jông ntux chia cov lês nuv tâu sai, ntu cêr ntêr zuôr luôs 9 caik; hur si têx ar sâu tror kaz chia lês dự án yax 24,5 ha, muôx 493 zis nênhs, tus khênhx nhoz hâur thax tsav; nhiax lês hâux lưv tas yax 500 tỷ đaiv, txix li pênhr nhiax ntơưv Trung ương thiaz pênhr nhiax ntơưv tỉnh; six hơưv lês hâux lưv txix shông 2021-2026. Nhiv no, dự án tưz lês tiar hâux lưv thêv nhiax trâu 479/493 zis nênhs, tus khênhx, đros trâu nhiax tas zuôr luôs 160 tỷ đaiv, têx ar sâu tror kaz tâu 22,25/24,5 ha, tâu 97%.

Cêr jông siaz, zok ar ntơưv pêx xênhv tưz paz zôngx ziv chia nênhs uô hâux lưv tâu sai thiaz muôz nhiax tâu jông chia lês nuv. Zơưs Phạm Văn Đài, xóm 3, tiểu khu 1, thav pâuz: Cur zis nênhs muôx 800 m² ar nhoz hâur txox cêr muk đhâu. Tov kaz tâu cán bộ fuô kria cur zis nênhs tưz jông siaz zok ar thiaz xar cov công trình nzor uô tiar chia paz pêx xênhv zôngx ziv muk lok đuô.

Txos nhiv no, dự án cxiv puôz txox cêr yêz ntơưv tiểu khu 26/3 txos trâu tiểu khu 10, xã Mai Sơn tưz tâu zok yax 387 tỷ đaiv; tưz muôz tâu yax 381 tỷ đaiv chia lês hâux lưv. Zơưs Phạm Văn Thành, hlôngr njêx muôs Công ty cổ phần Việt Dũng, thav pâuz: Lês hâux lưv cxiv puôz ntu tiv 1 thiaz 2 ntơưv Dự án ntêr 6,2 caik, cias tov kaz tâu zok ar, đơn vị tưz fuô lês zênhx max têx hâux lưv. Txos nhiv no têx hâux lưv tưz lês tâu 78% hâux lưv, đơn vị muôx 5 yêz câuk ar, 8 yêz lox thâux hax huv thiaz ntâu zav chuôz zênhx txơưr chia lês hâux lưv cov tâu zênhx max.

Haik txos têx dự án hlôngr têx shông uô ntêx lok, xã tưz moz siaz cxiz nênhs lês hâux lưv cxênhz yuôx thiaz lês tiar ntâuz ntơưr thêv nhiax, têx hâux lưv lês txos tưs, uô tiar ntâuz ntơưr txos ntơư. Taz sik, iz chas têx dự án lês tâu jông, tsênhv muôx dự án lês hâux lưv kênhz njuôk li cêr tuôr xav, li Dự án  Cxiv kho, por hưv qơư cênhz cưv tsoz ntông Mor Khak - thax qơư tsa tơưv chi bộ thơưx hlo ntơưv Đảng bộ tỉnh Sơn La, tsênhv nhiv kruôr tâu 36%; luz cênhz zos phiv liv txos trâu côngz xưv sâu ar tror kaz. Nhiv no taz tov moz siaz chox car chia lês hâux lưv cov tâu jông. Đros ntơư moz siaz fuô kria, zaz zâuv pêx xênhv jông siaz zok ar chia lês hâux lưv.

Haik txos dự án uô yiaz, xã tưz txo tsơưs hâux lưv uô ntâuz ntơưr, nzor xair nênhs uô hâux lưv cias thâuv txâuk chai. Iz cxia pênhr nhiax yiaz tâu tỉnh zok cxaz nzir hâur hli 8 thiaz hli 9 taz tov tâu xã zênhx  max lês cov tiar chia muôz nhiax lês hâux lưv trơưk đraiv chai. Xã sir jos xa trâu cấp muôx vax huôv phaiz nhiax uô ntêx hnuz 15/10/2026, nzor xair têx nênhs uô hâux lưv chia lês nuv cias thâuv txâuk chai.

Txix li têx tsưr ziv mênhx pêv thiaz sir jos đơưk zênhx max têx cêr phiv liv, xã Mai Sơn taz tov sir jos lês hâux lưv hâur têx hli kaz shông 2026, sir jos chia cov muôz tiar 100% pênhr nhiax chia lês hâux lưv trơưk cêr tuôr xav, txix ntơư paz max huôv tsar nhiax txiax puôk tsar zav thiaz paz trâu pêx xênhv hâur thax tsav luz nênhx zênhv hnuz zênhv tâu jông đuô.