Ntu đhâu, xã Chiềng Mung thiaz phường Chiềng Cơi tưz hlôngr số thiaz hlôngr uô ntơưr hành chính zôngx ziv, lês Đề án 06 thiaz cêr siz tưr “Pêx xênhv cơưv zôngv số”. Têx xã, phường no trâu siaz kria pêx xênhv sir zôngv têx chuôz zênhx uô ntơưr trực tuyến, tài Khoản VNeID, thêv grê tsik ro nhiax thiaz têx nền tảng số tsênhx chênhz; nthuôr huôv phênhv shuôv cxuô tổ hlôngr số jêx jok chia paz pêx xênhv cov pâuz sir zôngv số.

Lês trơưk UBPX tỉnh fuô lês “Qơư zôngv số”, xã Chiềng Mung thiaz phường Chiềng Cơi tâu xair uô siv têx kiosk paz uô ntơưr hành chính. Cxuô qơư tưz cxênhz hâux lưv ntơưv yênhx luz jok, tổ pêx xênhv; xair qơư uô kiosk fiv huv; siz chos bax qơư thiaz chuôz zênhx, nênhs uô lực paz pêx xênhv cov pâuz sir zôngv chuôz zênhx.

Txos nhiv no, têx kiosk hành chính zôngv chuôz zênhx jông tâu sir zôngv, paz max pêx xênhv uô sai têx ntơưr hành chính trơưk tưx uô, txix nriar xor xưv, xav mênhx đhâu căn cước pêx xênhv, nriar ntâuz ntơưr, kriz tiar xa hồ sơ trực tuyến thiaz kriz saiz hồ sơ.

Ntơưv jias cxênhz yuôx, đồng chí Phó Chủ tịch UBPX tỉnh yêu cầu xã Chiềng Mung thiaz phường Chiềng Cơi cxênhz thiaz xair qơư fiv huv chia đhok txưv 6 kiosk hành chính zôngv chuôz zênhx jông ntơưv oz thax tsav haik lok, tsênhr cov paz max tâu trâu pêx xênhv zôngx ziv. Tsik tas li, nthuôr huôv phênhv shuôv têx tổ hlôngr số jêx jok kria pêx xênhv sir zôngv kiosk xa ntơưr hành chính.

Trung tâm paz max uô ntơưr hành chính tỉnh đros kria cán bộ, cxênhz yuôx têx hồ sơ, dữ liệu. Sở Khoa học thiaz Công nghệ kria kỹ thuật, zôngv chuôz zênhx txuôk kror trôngx uô ntơưr têz qơưk đros cxuô zav cik txos. Têx tsêr luôv viễn thông cxênhz tas nro têx xor tôngx, kỹ thuật chia lês siz luôs jok.