Côngv cơưv muôx têx đồng chí: Nguyễn Việt Cường, Phó Chủ tịch HĐPX tỉnh; Đặng Ngọc Hậu, Phó Chủ tịch UBPX tỉnh; thơưx car iz cxia sở, ngành ntơưv tỉnh. 

Ntơưv jâus cơưv, nênhs hlôngr UBPX têx xã Chiềng Khoong, Chiềng Khương, Mường Hung thiaz Sông Mã tưz fuô têx nuv uô huôv tsar nhiax txiax - xã hội, tsưx hưv têz qơưk - njias to 9 luz hli shông 2026; haiz tsênhz iz cxia taix, khov trâu Trung ương. Paz đại biểu Quốc hội tỉnh fuô tsov xav njiaz Chaix cơưv tiv oz, Quốc hội khóa 16 thiaz nuv uô tov kaz Chaix cơưv tiv iz.

Cử tri têx xã Chiềng Khoong, Chiềng Khương, Mường Hung thiaz Sông Mã khov têx cấp muôx vax huôv moz siaz cxiv tsa qox khor hla đêx lox sông Mã, txuôk cêr têz qơưk 4G đros jok Cang Kiểng, xã Chiềng Khoong; uô jông cêr yêz jêx jok, tsêr txux chi jok ntơưv xã Sông Mã; cxiv tsa uô jông cêr yêz thôngz xã Sông Mã - Nậm Ty, txuôk zôngx ziv cêr yêz muk chênhr Sơn La- Điện Biên; nzor kriz đar cêr têz qơư 4G ntu đhâu xã Chiềng Khương, fiv huv cêr huôv tsar nhiax txiax- xã hội, chok nxiak tsưx hưv têz qơưk, njias to, uô nuv luôs oz chas têz thiaz yôngv siaz cêr nox nhoz trâu pêx xênhv thax tsav đriv têz.

Iz chas ntơư, cử tri khov nzir nhiax ntơưv cxiax cxênhv têz qơư xav chia cxiv tsa cêr yêz thax tsav pêx xênhv nênhs tsơưs thiaz têx loa fuô luk thôngz tsiz ntơưv têx xã đriv têz.

Lok sâuv cêr chai, nhiax txiax, cử tri khov yôngv nhiax phụ cấp trâu cán bộ, công chức cấp xã; tso chai trâu công chức sở, ngành tâu muk tsik so txos xã trơưk Nghị định số 178/2024/NĐ-CP; uô jông njuôk, kho moz BHYT, cxaz nzir chuôz zênhx, yuôx trâu tsêr kho moz. Cử tri xã Sông Mã taix khov muôx tsưr ziv tar tus nxư khênhr lok hiav kôngz lông, chuôz tav, chok nxiak nhaz xênhz trâu pêx xênhv. 

Ntơưv jâus cơưv, thơưx car UBPX tỉnh thiaz têx sở, ngành tưz riz têz têx luk khov trơưk vax huôv. Đồng chí Phó Chủ tịch Hội đồng Dân tộc ntơưv Quốc hội cxiz cov têx cấp ủy, nov hâu yôngv siaz phênhv shuôv, côngv lês jông hâux lưv; zênhx max tu cov tâu cêr chai, nhiax txiax thiaz luk cử tri khov. Têx njiaz luk trơưk vax huôv Trung ương, Paz đại biểu Quốc hội tỉnh zuôr cxênhz hur si, gruôv trâu cơ quan muôx vax huôv thiaz tror sox njôngr, cxiz paz tu.

   Ndax jâus no, Paz đại biểu Quốc hội tỉnh puz huv têx xã Chiềng Khoong, Sông Mã, Mường Hung, Chiềng Khương thiaz têx zênhx đriv têz thax tsav no. Đồng chí Quàng Văn Hương, Phó Chủ tịch Hội đồng Dân tộc ntơưv Quốc hội, puz 14 poz huv trâu têx ziv nênhs tâu chai paz, nênhs muôx côngz ntơưv xã Chiềng Khoong./.