Ntu no, vax txir thênhx caz taz tov txos chaix siar cxix ntơưv ziv nênhs tix lâus Hà Văn Chiến nhoz tổ dân phố 68 thâuv tưs cux muôx kruô nuôv zax ndis saiz. Sâuv têx ntar trôngz muôx xiv đax vos ntơưv yênhx cxênhz trêk txir thênhx caz txi ndư chês trơưr đrik, têx kruô tưx zuk cxaik têk đê thiaz tâu nox siv cias ntơưv vax, muôx têx cêr ndis saiz txâuk siaz.

Chia muôx tâu qơư jông saiz côngv đros têx trêk txir kaz jiz tuôr kruô nuôv zax tơư nhoz, têx vax txir ntơưv thax tsav phường Vân Sơn puôr lênhx saiz hloz tu saiz trơưk faz hữu cơ. Viv tso qir đạm nông, qir cxuô zav đros têx kuôr kôngz đrox tsuôs, txir thênhx caz tsik zos jông gâux, khênhx, pur muôx cuô xưz, mak tsênhv chok nxiak thâuv tưs cux nhaz xênhz trâu đas jos thiaz huv cêr nyiaz hur qơư nhoz.

Ndaiv vax txir thênhx caz đax yiaz, muk saiz shuôk Vân Sơn ho muôx cêr chox kria têx kruô nuôv zax muk trâu qơư njias to, njuôz xiaz ntơưv têx trôngz yuôx zêx ntêr đar njia tsik pâuz cơưs ntus. Tsik zos gas siaz viv têx zav jông xênhz txơưv tox trôngz hâur pêk lax txiak, trôngz yuôx zêx ntơưv no xưz, mak tsênhv chia têx kruô nuôv zax tâu lês siv li tus tuz kôngz tsênhv chênhz. Trik cơưv shôngz, kruô nuôv zax tâu tưx zuk cxaik têx đê yênhx luz njik yuôx zêx nhôngk tsiak, đai lưs niaz tais cik sơưr nzor thiaz pov njôngr lưv ciz uô tơưv têx yuôx zêx kaz. Muk ndis saiz suôx câuv txix têx zav ndo njôngr ntơưv qơư chuô tuôx lax nzias, hâuk iz pa đêx yuôx zêx cuz hlaz siaz chia pâuz tâu kror kaz txơưr hlo ntơưv trôngx têz Mộc Châu, uô trâu lênhx tưs iz jâus muk txos tâu sax puôr lênhx ndo njôngr tsik plox.

Pâuz tâu cêr khov ndis saiz siv, iz cxia HTX thax tsav phường Vân Sơn tưz cxiv tsa qơư uô siz khov uô tơưv kôngz txir đros cxuô zav nuôv zax. Nto mông li ntơưv HTX uô nuv huôv tsar kôngz txir 19/5 tưz uô tâu vax chos kôngz txir đar yax 7 ha, chos cxuô zav ntông nox txir huôz chuô lax txiak, xair têx ntông nox txir jêx jok chos uô ntêx chia txuôk chês cov muôx ntâu txir nox kaz, xik ndâux, li: Txir nkhơưz kaz jiz đax, txir nkhơưz siar nzor, txir nkhơưz jiz siar lis, txir đuôx siar nzor, txir kiar cxo, lê huôz chuôz txiak thiaz txir nhux mik... cê fiv huv tsưr ziv chos, cê paz max kruô nuôv zax tuôx ndis saiz. Txix têx txir ntông chos siv ntơưv vax muôx liv, HTX tưz siz khov đros têx ziv tuz kôngz, kria têx ziv nênhs zôngv khoa học kỹ thuật, muôz têx nôngz yiaz muk tsêz chos, muôx trâu nênhs sir zôngv têx txir kaz, hur.

Nhiv no, phường Vân Sơn taz tov lês tu saiz jê 900 ha yuôx zêx, đros têx njik yuôx nhôngk xav đê tâu li 11.560 tấn; 225 ha ntông nox txir, đê tâu txir nto li 2.110 tấn. Đros sir jos zôngv khoa học kỹ thuật trâu cêr uô tơưv, phường tưz cxơưz, paz pêx xênhv hlôngr kôngz txir kuz tsưr ziv chos kôngz txir njuôz hur, đros nuôv zax ndis saiz siv; cxiv tsa têx qơư paz max huôv tsar nuôv zax, li ndis saiz vax chos kôngz txir, zus tsiax; chos siv, tu saiz, đê txir nox, jâuz cxuô zav... Txix ntơư, hâur shông txos nhiv no, phường Vân Sơn tưz tok tâu 867.000 pưs kruô nuôv zax, xav nhiax sâu xã hội tâu li 606,9 tiv đaiv.

Xav uô kôngz txir đros nuôv zax ndis saiz siv taz tov kriz nzir faz cêr yôngv siaz nux gri trâu têx trôngz yuôx zêx, vax ntông nox txir ntơưv Vân Sơn. Têx kruô nuôv zax tâu ndis saiz siv lưv ciz uô tơưv, pêx xênhv muôx nzir đaiv nhiax thiaz muôx cêr muôs kôngz txir cias ntơưv qơư uô tơưv. Ntơư cux zos faz lês fiv huv chia Vân Sơn kriz têx zuk txơưv zênhx uô kôngz txir, jông tox trôngz, paz cxiv kho têx huv nuôv zax njuôz, txơưr hlo thiaz huôv tsar truôx njês hâur Thax tsav nuôv zax têz qơư Mộc Châu.