Hnuz grâuv pax Cà phê Sơn La jâus tiv oz, shông 2026 zuôr tâu kriz txix hnuz xiaz 9 txos 13/10/2026 đros trâu njiaz luk “Arabica Sơn La- Huôv tsar đêz đar trâu cxuô luz têz qơưk hâur ntiax têz”. Hnuz grâuv pax tâu kriz 8 six tsâus ntux hnuz xiaz 10/10 ntơưv Yar tiax lox Tây Bắc. Txos nhiv no, têx hâux lưv paz trâu cxênhx xưv li sav thiax, qơư kriz, điện, viễn thông, côngz xưv por hưv đêx ar huôz chuôz nyiaz hur, tsưr ziv phaiz cêr muk lok thiaz côngz xưv cơưv shâuv cxiax cxênhv haik cưr cxiax taz tov tâu uô tiar têx hâux lưv tsênhv tsik tâu uô.

Tov kaz cxênhz yuôx, đồng chí Phó Chủ tịch UBPX tỉnh cxiz cov đơn vị zênhx max lês tiar hâux lưv tâu zok, uô trơưk ntov nti têx cxênhx cxênhv tsưr ziv thiaz nhav nxias por hưv tiz nênhs uô hâux lưv nhaz xênhz, tsik chia pêx xênhv muk lok hâur thax tsav taz tov uô.

Đros trâu thax tsav kriz ciaz, đồng chí Phó Chủ tịch UBPX tỉnh cxiz ban tổ chức cxiv kho qar tsêr huv txơưx fiv, nthuôr muôs uô ntêx têx hax huv cà phê Arabica Sơn La thiaz kôngz txir nox jông yênhx thax tsav. Hur si hax huv tâu nthuôr muôs tsuv nhav nxias pâuz mênhx qơư chos thiaz por hưv kar nox hur; zaz zâuv têx tsêr luôv, hợp tác xã nthuôr qơư ndis hâuk đêx cà phê tsik tas nhiax trâu kruô nuôv zax. 

Iz chas ntơư, ngành Điện thiaz têx đơn vị viễn thông hâur thax tsav tsênhv phaiz hâux lưv uô mênhx pêv trâu tsôngv nênhs jor trơưr, nhav nxias muôx điện sir zôngv truôx njês thiaz hạ tầng fuô kria xor mông thôngz plơưk hâur ntu kriz Hnuz grâuv pax. 

Đros trâu têx hâux lưv li: Kriz ciaz nthuôr muôs hax huv xuôk máy uô jêx jok jông, Jias tưr “Arabica Sơn La Master Cup”, Hov tưr Marathon “Arabica Sơn La”, Jâus saz lax khoa học lok sâuv huôv tsar cà phê truôx njês trơưk faz hur si, Jias cơưv siz chos uô luôv Cà phê Sơn La shông 2026, Jâus tưr “Tuz kôngz siz tưr”, Coffee Farm Tour đros têx hâux lưv txux chi, thể thao; Concert “Jax gâux Arabica Sơn La”, cxiax cxênhv haik cưr cxiax, sênhr chêr thiaz cà phê, xav tơưv kror qơư ndis shuôk jông. Têx cxiax cxênhv chia siaz zuôr gra tuôx kror qơư ndis shuôk txux chi - nhiax txiax jông, paz tik bê lax luôv cà phê Sơn La zênhv hnuz zênhv nto mông ntơưv cêr lax luôv hâur têz qơưk thiaz ntiax têz.