Fâu ntơưr muôx 4 yôngx, haik mênhx tas nro têx hâux lưv phax tar nênhs uô luôv zênhz hâur thax tsav tỉnh Sơn La. Hâur ntơư, Yôngx I haik txos trôngx têz, tiz nênhs Sơn La thiaz têx zav uô trâu trôngx têz no iz ntu cuz nzor lok sâuv nênhs uô luôv zênhz. Yôngx II tror yaz đuô têx hâux lưv phax tar zênhz, nov chox car Đảng, Têz qơưk đros cxuô paz nênhs muôx vax huôv siz chos chox car phax tar têx paz nênhs uô luôv zênhz hla đriv têz qơưk. Yôngx III haik mênhx têx chuyên án lox, têx txuz plâuz zôngv phaz nzưr, đas jos tir tar têx paz nênhs uô luôv zênhz gra chuôz zênhx đros. Yôngx IV têx hâux lưv uôk têx cán bộ, chiến sĩ siz chos lês chuyên án, têx chai uôk thơưx chox uô siaz truôx đrênhk chox car paz tâu cxuô qơư hlôngr yiaz txix li yêv tâu zênhz tơưv.

Têx njiaz luk sâu hâur fâu ntơưr haik mênhx têx hâux lưv ntơưv cxuô chuyên án lox phax tar nênhs uô luôv zênhz ntơưv Sơn La, muôx ntâu tsưr ziv jông lok sâuv têx thơưx chox, sơưr đơưk siz chos lês hâux lưv, Côngz xưv gruô hu pêx xênhv siz chos tsưx hưv cêr nhaz xênhz. Ntơư, zos têx zav muôx txiax njis paz trâu côngz xưv njuôk tsov, choz kria cênhz cưv, cơưv nzir nghiệp vụ thiaz sir zôngv têx tsưr ziv jông chia phax tar têx nênhs uô luôv zênhz hâur ntu yiaz.