Đros lês luôs hâux lưv muôx HTX uô lax luôv cxuô zav Bình Thuận, CLB Foodbank Sơn La, ziv nênhs Chữ thập đỏ Cô Ngọc Mai (Thường Tín, Hà Nội), Tsêr nhiax Techcombank thiaz Đoàn Yar cơưv Cao đẳng Sơn La.

Ntơưv jias lês hâux lưv, paz nênhs siaz đơưz tưz kriz “Ciaz puz đơưz” muôx 10 qar huv, zos têx hax huv tsênhv chênhz sir zôngv thâuv Tsiaz puz đơưz trâu yax 300 ziv pêx xênhv pluôs, jê cêr pluôs, ziv pêx xênhv txov nhêv thiaz ziv pêx xênhv ntux nas hiav hâur thax tsav xã thiaz puz 300 tus qix Têz qơưk trâu 10 luz jok thiaz cxuô ziv pêx nhoz hâur thax tsav.

Paz nênhs siaz đơưz tsênhv njuôk moz, phaiz đơưz yuôx nox thiaz kria tsưr ziv tsưx hưv đas jos trâu 300 lênhx pêx xênhv zos ziv pluôs, têx lâuk, pox niav, mê nhuôv zâuk... Tas nro têx hâux lưv jias no, xav nto 1 tỷ 300 triệu nhiax. 

Têx hâux lưv no lok six muôx txiax njis, paz pêx xênhv tox siaz đriv têz cê muôx huv, tâu tsưx hưv đas jos, ntơư, zos phênhv shuôv Hội Chữ thập đỏ tỉnh Sơn La paz têx nênhs txov nhêv. Đhâu ntơư, nthuôr huôv txiax njis nênhs hluz nênhs, paz pêx xênhv txov nhêv hla đhâu cêr phiv liv, uô nênhx truôx truôx njês, lar haik mak thâuv Tsiaz pêz châus lok.