Côngv jias no muôx têx chuyên gia uô hâux lưv hâur saz kôngz lông, thơưx car Hội Tuz kôngz tỉnh, UBPX huyện Yên Châu, đros trâu 200 đại biểu hlôngr njêx muôs trâu hợp tác xã kôngz lông, tuz kôngz huyện Yên Châu.

Jias no, têx đại biểu tưz saz lax đros têx cưk txux iz cxia njiaz luk cik txos hâux lưv chos, tu kôngz; tsưr ziv phax tar txir jênhs, mas caz nox; sir zôngv têx tsưr ziv txơưx fiv uô kôngz lông; tsưr ziv zôngv qir, yuôx tuô caz, tuô đrox thiaz tsưr ziv sir zôngv fiv huv trâu kôngz lông... Tuz kôngz tưz tâu kria têx kror phiv liv lol sâuv huôz chuô txơưr txar thiaz têx zav hiav txos kôngz lông; kria sir zông tsưr ziv yiaz lok uô kôngz lông; cêr chai yiaz ntơưv Têz qơưk trâu têx tsêr luôv, tuz kôngz. Đros ntơư, têz iz cxia njiaz luk cik txos hâux lưv fuô kria, muôs hax kôngz, txir nox, hax huv OCOP trâu cêr luôv.

Luôs hâux lưv “Siz chos saz lax lok sâuv uô kôngz” zos jias kriz chia saz lax, siz khov tâu jông đuô txix li tuz kôngz thiaz têx nênhs saiz car, tsêr luôv. Zos jias kriz muôx txiax njis chia tuz kôngz tâu siz chos cơưv shâuv tsưr ziv, chia cov pâuz nzir tsưr ziv lok uô kôngz lông hâur thax tsav.