Iz chas tuv ntơưr, têx paz tưr tsênhv siz tưr kria pâuz txos tsưr ziv cxiv tsa qar tsêr, njiaz luk tuv ntơưr thiaz qơư sơưr ntơưv txux chi nhênhv ntơưr hâur luz nênhx nhiv no. Ntâu paz tưr tưz uô tiz jông bax, kria pâuz txos txiax njis ntơưv têx ntơưr đros trâu huôv tsar khoa học, công nghệ, hlôngr pâur số, đhâu ntơư paz lês nto mông đêz đar lok sâuv cơưv shâuv tsik muôx hnuz xâuk hâur ntu nênhx yiaz nhiv no.

Đros ntơư, cux zos hâur jias grâuv pax tuv ntơưr tsênhv muôx têx qar huv tuv têx chuôz zênhx jông ntơưv têx đơn vị, tsêr luôv hâur thax tsav tỉnh, fuô kria têx tsưr ziv nhênhv ntơưr yiaz, paz trâu têx njiaz luk muôx ntâu zav, fiv huv trâu chôngz lênhx nênhs nhênhv ntơưr.

Têx qơư nhênhv ntơưr hâur hnuz grâuv pax tưz paz muôx ntâu zav jông, yax hlo zos têx shuv xênhz, hluôs nênhs, chiến sĩ pâuz nzir têx tsưr ziv nhênhv ntơưr yiaz; cxơưz paz lês nto mông đêz đar txux chi nhênhv ntơưr, paz trâu sơưr đơưk trâu siaz cơưv shâuv, zok nriar têx tsưr ziv yiaz thiaz cxiv tsa cêr sưv nhênhv ntơưr. Đros ntơư, paz muôx qơư nhaz xênhz, muôx txiax njis chia têx đơn vị, thax tsav cơưv shâuv nzir tsưr ziv hâur cxiv tsa thiaz huôv tsar têx qơư nhênhv ntơưr, chia cxiv tsa xã hội cơưv shâuv hâur thax tsav tỉnh.