Chia bax trâu phênhv tưr, xã Phiêng Khoài tưz tsov saiz, xair têx vax txir nkhơưz kaz jiz qơư lox đar, ntâu txir, tiv tsôngv txir siar ntâu thiaz zôngx ziv trâu cêr kriz tưr cux li paz max têx kruô saiz, ndis siv. Têx ziv pêx xênhv cux ndo njôngr kho vax txir, qêz suô cov đu lus, hur si muôx qơư jông paz max hnuz gruôv pax.

Côngv phênhv đê nkhơưz kaz jiz, muôx 10 paz tưr tuôx ntơưv têx jok muôx ntâu txir nkhơưz kaz jiz nhoz xã Phiêng Khoài. Iz paz muôx 3 thành viên hnar tsôngk pêx xênhv cênhz cưv, lês njiaz luk đê txir nkhơưz kaz jiz.

Hâur six hơưv 5 phênhz, têx nênhs đê xair đê têx txir nkhơưz lox jông gâux, siar; tsik tâu ndê, tsik cho, tsik đê txir njuôz, tsik lor chês, tsik blơưv txir, tsik uô hiav tsoz txir, hiav txos têx txir. Paz tưs đê tâu ntâu txir mak zos paz zênhx.

Đros trâu têx nuv uô tiv njêx muôs, ntâu đoàn thể, đoàn viên thanh niên thiaz tsưr vax tsênhv kriz livestream hâur têx faz mạng xã hội chia yâu mông têx txir nkhơưz kaz jiz Phiêng Khoài. Đhâu têx jâus tso pov njôngr ntơưv têx vax, nênhs saiz tsênhv tâu saiz cêr kriz hnuz gruôv pax, nus txos lưv ciz tu saiz, đê txir nkhơưz kaz jiz thiaz tênhv zuôr huv cias hâur ntu kriz cxênhx xưv. Têx nuv no paz kriz đar ntu pâur muôs, yâu mông njux đuôz trôngx têz thax tsav no thiaz cxơưz hlôngr số trâu cêr pâur muôs têx txir nkhơưz.