Cias thâuv sơưr nzor, ntơưv har txir khơưz Nà Ka - Kror qơư nto mông lus zos luz vax txir khơưz kaz jiz yax ntơưv lax trôngz Mộc Châu, nênhs tưz tuôx lok six chôngz côngv hnuz grâuv pax. Têx têz txir khơưz njuôz xiaz thôngz tox trôngz hâur pêk, chês trơưr đruk txir siaz plơưr liaz đôngs ndiaz, cxo iz cxênhx yâur đơưz  pâus tok kruô tuôx nuôv zax.

Haik txos txiax njis hnuz grâuv pax, zơưs Nguyễn Thành Văn, Chủ tịch UBPX phường Thảo Nguyên, shir phaz haik: Hnuz grâuv pax đê txir khơưz tsik zos jias nthuôr txux chi - nuôv zax muôx txiax njis ntơưv trôngx têz no xưz tsênhv zos iz jias kruôk têx Tuz kôngz gruôs khưr, chos tơưv thiaz cxiv tsa tâu bê txir khơưz Mộc Châu nto mông lus thôngz têz qơưk. Jias no, cux zos iz jias chia piar kria trôngx têz qơưk jông gâux, huôv tsar nuôv zax ndis uô si, nuôv zax têx têz kôngz lông; chia tuz kôngz, tsêr luôv thiaz têx tsưr cxưx nhiax tâu siz njiz, siz khov. Đhâu no, Mộc Châu haik tas nro thiaz Thảo Nguyên haik khênhx zuôr hax zav muôx ntâu kror qơư pâuz txos trôngx têz qơưk ntux trâus têz xênhz jông gâux, muôx ntâu tsar txux chi, qơư so nuôv zax.

Uô kaz cias thâuv nthuôr txux chi cxuô hair nênhs ntơưv lax trôngz no, têx đại biểu, kruô tưz côngv ntâu cêr lov jêv hâur hnuz grâuv pax. 5 paz nênhs tưr hlôngr njêx muôs trâu cxuô tổ pêx xênhv tưz siz tưr đê txir khơưz lov jêv ntưk, sơưr đơưk puôr lênhx xuôk têk đê, tsik puz cho txir, lor chês, ntâuk txir jênhs, têx zav hiav tsoz txir khơưz… Tâu têx nênhs oz chas saiz buôx tês kruôk nxiak, chuôz jos têx tuz kôngz hax zav cuz siaz đê txir uô têk đrơưk đrôngk; hâur 5 phút, 3 lênhx hâur paz nênhs tưr nhoz tổ pêx xênhv Chờ Lồng tưz đê tâu ntâu yax, nto 7 chov txir khơưz.

Tix lâus Lường Trọng Liêm, paz nênhs tưr tổ pêx xênhv Chờ Lồng, lok six shir phaz haik: Tuôx tưr hnuz no, pêz tưz shâuv đê ntâu jias cov sưv. Chia cov tâu điểm siaz mak pêz xair đê têx chês txir txi ndư, lox thiaz jông gâux yax.

Lov jêv yax mak phênhv tưr nox cias têx txir khơưz uôk nhiak paz nênhs nhiv kruôr đê tâu. Iz paz nênhs tưr xair 1 tus hlôngr njêx muôs trâu zuk paz nênhs tưr nox txir khơưz: Zuôr tsuv nox li chak cov hur yax tsik yuôr txir yuôr lo luz nôngz. Hâur 1 phút, paz nênhs tưr ntơưv tổ pêx xênhv Pa Khen nox tas 19 luz txir khơưz, ntâu yax hlo.

Ntơưv phênhv tưr phaz nzưr têx tsuv txir jông gâux, têx txir khơưz siar liaz plaiv đros iz cxia kôngz jông ntơưv Mộc Châu, tâu cxuô paz nênhs zôngv phaz nzưr tênhz tơưv têx zav huv lok six jông gâux, pir txưr trâu têx qơư nuôv zax jông, nto mông ntơưv lax trôngz Mộc Châu.

Côngv trâu têx cêr lov jêv no, niav lâuk Nguyễn Thu Trang, kruô Thành phố Hà Nội, shir phaz haik tiak: Zos thơưx jias tuôx ndis txos Mộc Châu ndax hnuz grâuv pax, tsik zos huôz chuô lax xưz, têx txux chi ntơưv no lok six jông nziv siaz. Lok six nhiav têx tsuv txir chox tuôx tưr tưz uô jông tênhz yênhx têx tsuv jông gâux thiaz phênhv tưr nox txir khơưz lov jêv cơưs. Tâu đê cias têx luz txir taz tov siar sâuv ntông lok nox fov mfôngz. Zuôr txos no, txơưv li chak cux zuôr lâux six hơưv zâuv fôngx zưs tuôx đuô thiaz.

Iz chas têx hâux lưv lês trơưk cênhz cưv, kror hlôngr yiaz shông no, mak zos têx jâus livestream piar muôs kôngz Mộc Châu tâu kriz cias ntơưv hnuz grâuv pax tưz piar muôs tas ntâu txir khơưz kaz jiz đros ntâu zav huv jông li: Mik nhux, yuôx zêx, jiz mur trâu têx nênhs sir zôngv nhoz cxuô qơư hâur thôngz têz qơưk đhâu têx chuôz zênhx số.

Têx vax txir khơưz txi ndư chês trơưr đruk no, tsik pâuz Tuz kôngz tưz pôngz pêk tsơưs đas jos, tu đruôz hnuz, hmo ntux. Têx pêx xênhv nhoz txơưv, mak hnuz grâuv pax tsik zos yar đax yar luôs xưz tsênhv zos iz jias chia piar muôs zuk “têx txir kaz” uôk pôngz tsik pâuz pêk tsơưs đas jos tu kria trâu kruô cxuô qơư tâu zuôr zôngv. Zơưs Suôr Xênhv Tsaz, tổ pêx xênhv Pa Khen, haik: Têx txir khơưz no tưz đros đraiv pêx xênhz Thảo Nguyên luz nênhx tâu tsik pâuz pêk tsơưs tiav lok lơưv, paz tâu pêx xênhv tơưv đhâu cêr yaiz pluôs cxiz tsa luz nênhx bluô nux ntơưv trôngx têz qơưk no. Shông no, tâu ntux paz, txir khơưz txi ndư, lox, kaz jiz thiaz jông gâux. Pov kruô cxuô qơư tuôx côngv hnuz grâuv pax chôngz, kruôk nxiak txir khơưz Mộc Châu kaz, muôx ntâu kruô zuôr tsik so đhâu livestream, tuz kôngz lok six shir phaz. Ntu no muk zuôr zôngv khoa học kỹ thuật paz ntâu đuô cov tsưx hưv tâu bê lax luôv txir khơưz Mộc Châu.

Hnuz grâuv pax đê txir khơưz Mộc Châu jias tiv 10, Thảo nguyên shông 2026 suôx câuv lol sik ntâu zav ntơưv trôngx têz qơưk ntux trâus têz xênhz njuôz hur, tiz nênhs nhiav kruô no tưz uô trâu sơưr đơưk ndo njôngr. Hnuz grâuv pax yênhx côngz tror chuôz jos nzir trâu kôngz lông huôv tsar truôx njês, têx kôngz muôs tâu gri paz pêx xênhv sâu nju nhiax txiax.