Cias thâuv sơưr nzor, jias tưr đhia tưz gruô hu tâu zuôr luôs 130 vận động viên zos cán bộ, công chức, viên chức, shuv xênhz thiaz pêx xênhv hâur thax tsav xã siz chos côngv. Têx vận động viên siz tưr đhia đêz 3 caik đhâu jok Kim Sơn 1, Tràng Nặm, thax qơư muôx têx txir nkhơưz taz tov siar liaz vos.

Hâux lưv zov chênhr hâur Hnuz grâuv pax zos phênhv tưr đê txir nkhơưz đros trâu 10 paz tưr nhoz ntơưv têx jok thax tsav xã. Ntơưv phênhv tưr đê txir, iz paz muôx 3 thành viên siz tưr đê txir hâur 15 phút. Têx paz tưr tưz trâu siaz njo chia cov đê tâu txir ntâu thiaz jông gâux… 

Hâur jias grâuv pax no, 23 qar huv zos têx jok thiaz yar cơưv hâur thax tsav xã Yên Sơn kriz tưz muôx lok ntâu têx kôngz txir nox txơưr hlo ntơưv thax tsav li txir nkhơưz kaz jiz, kôngz lông hur, hax huv OCOP đros trâu têx chuôz zênhx sir zôngv cxuô hnuz ntơưv zis nênhs. Têx qar huv tưz tâu uô jông cxiv tsa, zos pêx xênhv hâur thax tsav ntias tus, gruô hu tâu chôngz lênhx kruô nuôv zax tuôx ndis shuôk, zuôr muk sir zôngv.

Hâur jias grâuv pax cux nthuôr têx cêr siz tưr li: Por poz, ntâu tuz luz, truz hluô… gruô hu tâu yax 300 vận động viên nhoz ntơưv têx jok, đơn vị yar cơưv hâur thax tsav xã siz chos côngv. Têx njiaz luk tâu kriz lov jêv ntưk, tâu chôngz lênhx pêx xênhv thiaz kruô nuôv zax cxơưz jos, paz muôx cêr shir phaz, thôngx siaz.

Đhâu têx hâux lưv ntơư, Hnuz grâuv pax đê txir nkhơưz xã Yên Sơn tưz paz fuô kria têx txir hâur thax tsav, cxơưz paz huôv tsar nuôv zax, ndis shuôk uô si, paz trâu têx kôngz muôs tâu gri; đros ntơư, kriz đar qơư muôs hax huv thiaz paz pêx xênhv sâu nju nhiax txiax sir zôngv.