Kror tsênhv chênhz hâur hnuz grâuv pax zos phênhv tưr đê txir mo môngk ntơưv 11 paz nênhs tưr nhoz cxuô luz jok thôngz xã. Cxuô paz nênhs tưr zôngv têk thiaz pak đê txir mo môngk, trơưk kỹ thuật, tsik tsênhr cho, lor chês, uô trâu luz txir njôngs lok sik têx zav hiav txos tsoz txir. Cxuô paz nênhs tưr tưz uô jông đê sai thiaz yênhx ntu đê txir mo môngk nhaz xênhz lus, por hưv txir jông gâux.

Đros ntơư, phênhv tưr zôngv phaz nzưr uô tơưv thiaz hnar têx chêr tsôngk yo “Txux chi kôngz lông - Txir mo môngk” tưz chox ntâu tsar txux chi tuôx nthuôr trâu sơưr đơưk saiz. Txix têx zênhx zav pax, blôngx, txir mo môngk, Tuz kôngz thiaz yênhx ntu uô kôngz lông, cxuô paz nênhs tưr zôngv phaz nzưr uô tơưv têx chêr tsôngk gra cxix cxuô txux chi tiz nênhs ntơưv trôngx têz qơưk no. Ntâu chêr tsôngk sir zôngv têx zav fiv huv cêr nyiaz hur, uô kôngz lông, chia kria cov sơưr đơưk huôv tsar kôngz lông truôx njês.

Phênhv tưr sênhr chêr sạp lov jêv ntưk, tâu cxuô paz nênhs tưr nhoz cxuô luz jok, tiểu khu siz chos đros têx yar cơưv hâur thax tsav tưz uô jông bax tuôx tưr. Têx jax sênhr chêr muôs nthas, kruôk têx txux chi cênhz cưv jông cxuô hair nênhs, sơưr đơưk thôngx siaz tưr lov jêv ntưk hâur hnuz grâuv pax.

Iz chas ntơư, phênhv tưr phaz nzưr txir mo môngk thiaz têx tsoz txir mo môngk muôx lok six chôngz kruô ndis saiz. Zôngv phaz nzưr, cxuô paz nênhs tưr tưz uô tâu ntâu zav jông gâux, têx zav tsuôk muôx ntơưv trôngx têz qơưk chos txir mo mông Yên Châu, chia piar kria têx zav muôx txơưv ntơưv no, cxiv tsa bê lax luôv txir mo môngk piar kria têx kruô, nênhs sir zôngv.

Cxuô zav hâux lưv ntơưv hnuz grâuv pax txir mo môngk Yên Châu shông 2026 tsik zos chia pêx xênhv nthuôr cêr lov jêv thiaz kruô nuôv zax tuôx ndis uô si xưz, tsênhv zos iz jias chia kruôk têx ziv nênhs chos txir mo môngk, piar muôs txir mo môngk Yên Châu, huôv tsar nuôv zax thiaz muôs cxuô zav kôngz lông.