Tuôx tưr muôx 9 paz nênhs đros trâu 60 lênhx, tuôx ntơưv 9 chi đoàn cơ sở thiaz đơn vị siz trâus jông. Hâur phênhv tưr cán bộ đoàn coz muôx 2 cxênhx cxênhv, li: Tưr tsov xav ntâuz ntơưr côngz xưv Đoàn, xav tơưv đuôz fuô kria sir zôngv chuôz zênhx AI thiaz tưr txơưx pâuz cêr chai.

Phênhv tưr fuô kria hluôk: Têx paz tưr thiaz nênhs tưr tưz moz siaz fuô kria lok sâuv Nghị quyết, cxiax cxênhv fuô lês Đại hội Đảng, Đại hội Đoàn cxuô cấp; cênhz cưv txiax njis nto mông ntơưv Đảng, têz qơưk, ntơưv Tuz lênhv thiaz tsôngv Tuz lênhv Đriv têz; têx kror uô tâu hâur fuô lês hâux lưv chính trị hâur saiz car, por hưv truôx njês đriv têz qơưk nhoz njias to; têx tsưr ziv, paz nênhs, tus khênhx gruôs uô hâux lưv jông ntơưv hluôk nênhs hâur cơưv shâuv thiaz uô trơưk siaz xav, tsiv txiax, chux pưv Hồ Chí Minh. 

Trơưk Ban kriz tưr, têx đơn vị tưz uô jông bax thiaz tưr lok sâuv txơưx piar luk, haik cưr cxiax, sênhr chêr, jax luk thav, tso đuôz jông; đros trâu njiaz luk yiaz fiv huv luz nênhx, sir zôngv hlôngr pâur số, tưz tâu ntâu đơn vị xair tsov. Têx nênhs fuô kria hluôk njênhs njôngr, uô jông kria trâu pêx xênhv pâuz.

Suôx câuv jias tưr, Ban kriz tưr tưz puz hov Iz hur si paz trâu paz tưr Chi đoàn Zênhx Đriv têz Chiềng On thiaz puz 2 hov oz, 3 hov pêz trâu têx paz nênhs tưr tâu hâur jias tưr.  

Jias tưr zos jâus chia Ban Chỉ huy Tuz lênhv Đriv têz tỉnh cxênhz yuôx têx cán bộ đoàn, fuô kria hluôk têx cơ quan, đơn vị. Đros ntơư, tror xair tsov têx nênhs coz muk txuv Jias tưr cấp Bộ Tư lệnh trâu ntu zuôr txos.