Nhiv no, thôngz xã Lóng Phiêng muôx 7 HTX uô kôngz lông thiaz lax luôv kôngz lông. Têx HTX tsik zos siz khov uô thiaz muôs kôngz xưz, tsênhv zôngv khoa học kỹ thuật, hlôngr phaz nzưr paz pêx xênhv uô tâu ntâu đuô njuôk li thâuv ntêx iz kro mê njik hlôngr uô yênhx hax huv ntâu. Pov njôngr paz fênhx đraz iz tus nênhs uô hâux lưv hâur HTX sâu tâu txix 300 triệu txos 2 tỷ nhiax/shông.

Tsa tâu nzor thiaz zos iz kror qơư uô ntêx nyuôk huôv tsar nhiax txiax paz pơưs ntơưv Lóng Phiêng, đhâu 10 shông tsa yênhx thiaz huôv tsar, txix qir thơưx muôx 80 ha xưz, txos nhiv no HTX Phương Nam tưz đros 30 ziv pêx xênhv chos txir lưv tsiz siz khov huôv tsar yax 300 ha, yênhx iz thax tsav chos txir ntâu txâuk muôs trâu tuz luôv hâur tỉnh thiaz oz chas. Tsik tas li, HTX tsênhv huôv tsar nzir têx ntông nox txir jông gri, li: Na sầu riêng, bơ, txir tsơưz tênhv liaz.

Hâur ntu zênhv hnuz tuz luôv zênhv xair huv ntov, HTX tưz hlôngr uô kôngz hur, sir zôngv khoa học kỹ thuật paz max. Zơưs Trần Như Kiên, Giám đốc HTX Phương Nam, haik: HTX tưz kria tsik so kỹ thuật tu trâu têx thành viên thiaz ziv pêx xênhv chos luk côngv tu txir muôs cov zôngv têx tsưr ziv phax tar caz hmoz trơưk chai “4 zos”, sir zôngv têx yuôx, qir sinh học fiv huv cêr cêr nyiaz hur, tsik tsênhr yuôr yuôx hâur têx kôngz. Đros ntơư, HTX tưz tâu cxưx nhiax uô têx bể trâu flâuz yuôx por hưv kôngz trâu thax tsav uô kôngz lông, tu trơưk đraiv chai, por hưv cêr nyiaz hur, têx kôngz hur.

Tưz zos zôngv siz luôs jok ntâu faz tsưr ziv kỹ thuật paz max tu têx kôngz, fênhx đraz HTX Phương Nam iz shông sâu tâu yax 5.000 tấn txir lưv tsiz nhôngk, fênhx đraz iz chiaz muôs tâu 12.000 nhiax. Nhiax muôs txir lưv tsiz tâu 150 triệu/ha. Tsik zos paz têx thành viên thiaz ziv pêx xênhv siz khov, HTX tsênhv paz ntâu lênhx muôx hâux lưv uô.

Muôx yax 1.035 ha txir khơưz kaz jiz, zos zav ntông nox txir tâu chos ntâu ntơưv Lóng Phiêng shông 2026 no đê tâu yax 9.600 tấn txir. Têx shông lok no, pêx xênhv hâur xã tưz zôngv kỹ thuật paz max, tu hur, trơưk cêr uô nox truôx njês, uô tơưv têx hax huv jông gri.

Tsa trâu shông 2023, HTX Khánh Dương nhoz ntơưv jok Yên Thi nhiv no muôx 8 lênhx siz chos côngv uô nox, muôx yax 30 ha ntông nox txir, hâur ntơư 20 ha txir khơưz kaz jiz. Xav mênhx uô tâu hax huv jông thiaz txênhz tâu cêr luôv, HTX tưz kria têx nênhs côngv uô nox tu trơưk cêr chai VietGAP, cxênhz yuôx ntov nti txix thâuv tu txos thâuv sâu. 

Zơưs Trần Văn Thực, Giám đốc HTX Khánh Dương, haik: Xav shông 2026, têx txir khơưz kaz jiz ntơưv HTX yax 400 tấn. Txir khơưz kaz jiz ntơưv HTX tsik zos muôs trâu têx tuz luôv trơưk iz txưv uô lax luôv xưz mak tsênhv tâu muôs hâur têx ciaz muôs kôngz hur, siêu thị thiaz muôs thôngz ntâu thax tsav. HTX taz tov huôv tsar bê lax luôv “Txir khơưz Lóng Phiêng”, cxơưz têx kôngz jông gri thiaz kriz đar cêr lax luôv.

Pov njôngr, têx HTX huôv tsar tưz paz lok six tsênhv chênhz trâu hâux lưv uô hax huv yênhx thax tsav ntâu, cê paz trâu kôngz jông gri thiaz pêx xênhv muôx hâux lưv uô truôx njês. Txix siz khov uô nox, paz pêx xênhv hlôngr tsưr ziv uô nox jux juk, sir zôngv khoa học kỹ thuật paz, uô tâu têx hax huv jông trơưk chai hur. 

Zơưs Lừ Văn Chung, Chủ tịch UBPX xã Lóng Phiêng, haik: Xã tror tsa têx thax tsav chos ntông nox txir ntâu uô cê, zôngv khoa học kỹ thuật paz max, puôz tiz siz khov cov têx hax huv uô tâu jông gri thiaz sir zôngv chuôz zênhx jông paz max. Đros ntơư, huôv tsar têx qơư tu jông, sâu nju nhiax txiax đros đraiv cêr huôv tsar nhiax txiax paz pơưs trơưk hâux lưv hlôngr số hâur cêr uô kôngz lông. Ntơư zos hâux lưv tsênhv chênhz chuôz jos paz têx kôngz txênhz tâu cêr lax luôv hâur ntu zênhv hnuz cêr luôv zênhv xair huv ntov hâur têz qơưk thiaz muôs muk oz chas têz.

Tâu cấp ủy, nov hâu paz, têx HTX thiaz pêx xênhv sir jos hlôngr yiaz, huôv tsar nhiax txiax paz pơưs ntơưv Lóng Phiêng taz tov kriz đar cxơưz ngành kôngz lông huôv tsar truôx njês. Ntơư, zuôr tror chuôz jos trâu kôngz lông huôv tsar yênhx hax huv jông, trơưk luôs hâux lưv têz qơưk cxiv tsa jêx jok yiaz hâur ntu nhiv no.