Zos đơn vị tâu zok saiz car tiêu chí tuôr xav, Sở Cxiv puôz tưz trâu siaz đros têx sở, ngành cik txos kria têx thax tsav lês têx chai xav ntơưv têz qơưk lok sâuv tuôr xav đrôngs thiaz jêx jok, chok nxiak siz luôs, thôngz iz đrôngs luk trơưk chai ntơưv Chai tuôr xav. Txos nhiv no, 100% têx xã ntơưv tỉnh tưz muôx đồ án tuôr xav cxiv tsa jêx jok yiaz tâu tso chai, uô tiar cxok ndêx tuôr xav thiaz tso chai lês đề án cxiv tsa jêx jok yiaz.

Zơưs Đào Mạnh Chiến, Phó Giám đốc Sở Cxiv puôz, thav pâuz: Nhiv no, Sở taz tov cxiz, kria UBPX têx huyện, thành phố kriz tuôr cêr xav, xav bê têx đồ án  tuôr xav uô yiaz thiaz chox car têx xã cxênhz yuôx, cxaz nzir, kho đuô đồ án tuôr xav thiaz đề án cxiv puôz jêx jok yiaz. Cêr lês tuôr xav thiaz saiz car tuôr xav zos pêx xênhv sox njôngr thiaz lês fiv huv faz nhiax txiax, xã hội ntơưv thax tsav.

Ntơưv xã Chiềng Xôm, kaz shông 2020, UBPX thành phố Sơn La tưz tso tơưv quyết định tso chai lês Đồ án kho đuô tuôr xav cxiv tsa jêx jok yiaz ntơưv xã ntu 2020-2030. Zơưs Lèo Văn Hưởng, Chủ tịch UBPX xã, thav pâuz: Lês côngz xưv tuôr xav thiaz saiz car tuôr xav, UBPX xã tưz tsik tsês saiz car, tir thair, tik cêr cxâuv têx nênhs cxiv puôz zuôv chai, tsik muôx ntâuz ntơưr, tsik trơưk chai fuô, nav thiaz sir zôngv tsik trơưk cêr xav đêx ar, nav ntus cêr têx txox cêr yêz muk lok. Iz chas ntơư, cxuô txox cêr yêz ntơưv xã tâu kriz đar, đros ntâu txox cêr trâu sơưr đơưk cơưv shâuv “njuôz, hur, jông”, têx kror cưx đêx ntưk đhâu ntơưv têx jêx jok, tiểu khu cux tâu tuôr xav mênhx pêv, iz thênhv jux juk cxiv puôz siz luôs, chok nxiak fiv huv lok sâuv tox trôngz qơư nhoz.

Cêr lês tuôr xav cxiv tsa jêx jok yiaz tưz paz huyện Mai Sơn thiaz têx xã thax tsav huyện zôngx ziv trâu cêr fuô lês têx công trình jông xã jok; yax hlo mak têx cêr yêz, tâur đêx uô kôngz, yar cơưv, tsêr txux chi, uô hlôngr pâur mênhx mov jêx jok, đrôngs lox, muôx cêr nyiaz hur njuôz, hur, jông, paz max gruô hu cxiv tsa, huôv tsar nhiax txiax, xã hội ntơưv zuk thax tsav.

Pos Cầm Thị Khay, Phó Chủ tịch UBPX huyện Mai Sơn, thav pâuz: Txix li xav tâu cêr muk ntơưv tỉnh lok sâuv huôv tsar nhiax txiax, xã hội hâur yênhx ntu, viv zos hlôngr đuô chiav đêx ar thiaz cêr fuô lês têx dự án lox, tưz hiav txos cêr tuôr xav xuz thơưx lok sâuv cxiv tsa jêx jok yiaz. Nhiv no, UBPX huyện taz tov chox car têx xã tsik tsês cxênhz yuôx, kho đuô thiaz cxaz nzir tuôr xav jêx jok yiaz fiv huv li bộ tiêu chí yiaz, đros đraiv tuôr xav đuô cêr uô kôngz lông. Đros ntơư, xav nhiax txiax chia têx xã  chos luk lok sâuv uô tâu côngz jêx jok yiaz, jêx jok yiaz hov jông ntu 2021-2025, yuôx, cxaz nzir thiaz kho đuô đồ án tuôr xav.

Trơưk Quyết định số 1676/QĐ-TTg hnuz 25/12/2023 ntơưv Thủ tướng Chính phủ lok sâuv tso lês tuôr xav tỉnh Sơn La ntu 2021-2030, xav txos shông 2050,  tsưr ziv kriz lês thax tsav jêx jok tâu  uô mênhx pêv, muôx: Huôv tsar jêx jok tỉnh Sơn La, đros đraiv côngz xưv cxiv tsa jêx jok yiaz, cxiax cxênhv, cêr xav huôv tsar nhiax txiax - xã hội thiaz cêr lês đrôngs jông hlôngr ntơưv tỉnh; fiv huv trâu têx xênhz txơưv, cxuô tsar zav yênhx thax tsav, yênhx huyện, thành phố hâur tỉnh.Tuôr xav cxiv puôz têx qơư pêx xênhv nhoz jêx jok trơưk faz uô cê, đros đraiv têx thax tsav uô tơưv kôngz lông, shôngz ntông, tsiax đêx yênhx têx saz lok sik thax tsav kôngz lông saz đrâuv đruôz đrôngs, đruôz thị.

Cxiv tsa jêx jok yiaz trơưk faz kho đuô  têx nux gri pov njôngr; cxiv tsa trơưk faz toz lok sâuv zav jông trơưk tsưr ziv thiaz jông trâu xã hội trơưk bộ tiêu chí jêx jok yiaz. Xav li đrôngs xã, jok tsuv chok nxiak thax tsav đar fiv huv cêr cơưv shâuv nox nhoz tsôngv nênhs thiaz tuôr xav txâuk cxuô tsar zav uô kôngz, nox hâuk.Xav li têx qơư pêx xênhv nhoz jêx jok tâu cxiv tsa jông cxuô zav tsưr ziv fiv huv cêr uô kôngz thiaz nox hâuk; kho đuô tsêr jông thiaz truôx khor trơưk faz tsưx tsês têx zav txux chi cênhz cưv. Têx thax tsav uô kôngz lông tsuv tuôr xav zôngx ziv muk txos têx qơư pêx xênhv nhoz trơưk lưv ciz “jê fiv huv” chok nxiak cêr muk lok, uô kôngz lông.

Lês tiêu chí tuôr xav hâur cxiv tsa jêx jok yiaz tsik zos tso tsês ntơưv cêr tuôr  xav hâur zuk thax tsav xã, mak tsênhv zos cêr tik chuôs chia huôv tsar têx zav, muôx cêr siz thôngz têx thax tsav. Nhiv no, tỉnh taz tov chox car têx sở ngành, têx thax tsav cxênhz yuôx, tuôr xav cxiv tsa jêx jok yiaz muôx cêr lês ntêr niax shông, cê muôx cêr siz chuôs, fiv huv tuôr  xav  txơưr, cê muôx kror lês têx kuz nuv thiaz huôv nzir têx zav txơưv zênhx zuk thax tsav, cxơưz cxiv uô tâu hlôngr tsar cêr xav đuô nhiax txiax trơưk faz huôv tsar nhiax txiax, xã hội ntơưv tỉnh./.