Cias thâuv Công điện số 38/CĐ-TTg Thủ tướng Chính phủ tâu fuô lês, UBPX tỉnh Sơn La tưz fuô zênhx max têx ntơưr chox car, txiz paz nênhs uô côngz xưv ntâu ngành zos Chủ tịch UBPX tỉnh chox car lês siz luôs jok cxuô luz luôs hâux lưv; zok mênhx phênhv shuôv trâu yênhx sở, ngành thiaz cxuô đơn vị cik txos. Hâur ntơư, Sở Khoa học thiaz Công nghệ zos cơ quan thường trực, muôx phênhv shuôv cxênhz yuôx, saz lax cxix cxuô; Sở Công Thương chox car saz lax côngz xưv cxênhz yuôx, sox car hâux lưv uô lax luôv điện tử thiaz muôs hax huv; Sở Txux chi, Thể thao thiaz Nuôv zax cxênhz trơưr hâux lưv lês trơưk vax huôv; Công an tỉnh chox car njuôk tsov mênhx, cxênhz yuôx, tu ntov nti têx chor nhov, têx zav zuôv chai yưv sâuv mạng.

Zơưs Lò Xuân Trường, Lưv thơưx Chi cục Saiz car gri hax huv tỉnh Sơn La, haik: Chi cục Saiz car gri hax huv tưz chox car cxuô paz nênhs Saiz car gri hax huv fuô lês siz luôs jok hâux lưv hâur jias cxênhz yuôx gri hax huv, tsi njênhk cxênhz yuôx thiaz tu ntov nti têx zav cxâuv chai sở hữu trí tuệ. Lês ntov côngz xưv fuô kria chai trâu têx paz pơưs, tus khênhx chos luk tsik uô thiaz muôs hax huv chuôr, huv cxâuv chai sở hữu trí tuệ, cov pêx xênhv thiaz tsêr luôv pâuz mênhx thiaz zôngs ntov cêr chai.
Cxuô paz nênhs Saiz car gri hax huv siz chos đros Công an, Hải quan thiaz têx nênhs muôx vax huôv trâu siaz cxênhz yuôx ntov têx hax huv zôngx ziv cxâuv chai yax, li: Yuôx jông gâux, tsôngk yo, khâu, tsov kror muôs, kar hno, yuôx, cuô mik, qir trâu kôngz, qir por hưv kôngz lông, chuôz zênhx điện, điện tử thiaz têx hax huv muôx bê nto mông. Hâur 6 luz hli hâu shông 2026, cxuô paz nênhs muôx vax huôv hâur thax tsav tỉnh tưz cxênhz, tu 1.238 txuz, 1.477 tus nênhs cxâuv; bluô 722 tus nênhs cxâuv, tâu zuôr luôs 6 tỷ 500 triệu nhiax trâu têz qơưk; pênhr 509 txuz, 749 tus nênhs cxâuv. Cias hâur jias cxênhz yuôx, saiz car gri hax huv thiaz tu têx cêr cxâuv lok sâuv vax huôv sở hữu trí tuệ txix hnuz xiaz 7/5 txos hnuz 30/5/2026, cxuô paz nênhs muôx vax huôv tưz cxênhz tâu 44 txâuz zuôv chai sở hữu công nghiệp; bluô yax 239 triệu nhiax, têx hax huv cxâuv chai xav yax 202 triệu nhiax. 

Hâur thax tsav tỉnh, têx hax huv zôngx ziv cxâuv chai sở hữu trí tuệ phênhv ntâu zos: Tsôngk yo, khâu, tsov kror muôs. Zơưs Nguyễn Hoàng Việt, nênhs lês hâux lưv hâur Paz nênhs saiz car gri hax huv số 1, haik: Têx hax huv muôx bê lax luôv, li: Adidas, Nike, Ray-Ban, Gucci, Dior... khênhr muôx nênhs nhias uô huv chuôr, lok sik muôs bê uô huv zuôv chai. Ntơư, puôr lênhx zos têx huv khênhr muôx chôngz nênhs zôngv, zuôr ntâu, li ntơư cux muôx nênhs nhias muôs bê uô lax luôv cxâuv chai sở hữu trí tuệ, hiav txos vax huôv têx tsêr luôv thiaz nênhs sir zôngv.

Iz chas côngz xưv cxênhz yuôx, tu têx zav cxâuv chai, tsênhv uô jông lês hâux lưv fuô kria chai sở hữu trí tuệ sir zôngv têx chuôz zênhx fuô chai. Chi cục Saiz car gri hax huv tưz paz trâu yênhx cxênhz kror qơư uô tơưv hax huv, uô lax luôv chos luk tsik uô luôv huv chuôr, hax huv cxâuv chai sở hữu trí tuệ; phaiz yax 1.759 đaiv ntơưr fuô chai thiaz yênhx puô lưv xor xưv, jax sâu trâu sâuv kror trôngx thông tin điện tử ntơưv đơn vị, paz têx paz pơưs, tus khênhx thôngz chai.

Hâur ntu iz cxix fuô lês hâux lưv cxênhz yuôx gri hax huv, iz cxia qơư lax luôv khênhr nhias jaik huv, tsik xar cov cxênhz yuôx, phiv liv trâu têx nênhs muôx vax huôv thâuv cxênhz yuôx pov zuôv chai sở hữu trí tuệ. Zơưs Tống Hải Hoàn, Lưv thơưx Paz nênhs Saiz car gri hax huv số 3, haik kria: Jông yax mak têx nênhs sir zôngv xair zuôr huv ntơưv têx qơư muôs huv txâuk chai; cxênhz yuôx cov pâuz mênhx bê, muôx ntơưr phax tar huv chuôr, pâuz mênhx qơư uô tơưv. Têx huv nto mông, zuôr tsuv uô jông saiz zos pov txơưr, li: Tsik muôx hnaz trâu, tsik muôx ntơưr uô por thơưx. Lar haik yax, mak têx hax huv tâu muôs fênhx zis đuô njuôk li cêr lax luôv mak zôngx ziv zos huv chuôr, huv cxâuv chai sở hữu trí tuệ. Thâuv pâuz muôx nênhs cxâuv, pêx xênhv zuôr tsuv zênhx max kria trâu cơ quan muôx vax huôv chia cxênhz cov mênhx, tu cov tu kaz.

Por hưv vax huôv sở hữu trí tuệ tsik zos phênhv shuôv ntơưv têx cơ quan saiz car Têz qơưk xưz mak zuôr tsuv tâu têx tsêr luôv pêx xênhv siz chos côngv por hưv. Thâuv têx tsưr hax huv pâuz mênhx phênhv shuôv siz chos đros tir tar huv chuôr, huv cxâuv chai, cxiv tsa cêr lax luôv ndax ndênhk, chuôz jos chia hlôngr yiaz thiaz huôv tsar nhiax txiax - xã hội ntơưv tỉnh.