Jok tưz thôngz iz trôngs luk muôz njiaz luk por hưv har jông trâu txox chai hâur jêx jok. Cxuô shông, cxuô zis puôr lênhx chos luk por hưv har jôngr; tsa Paz nênhs por hưv har jôngr muôx 12 lênhx. Têx nênhs hâur paz nênhs ntơư tưz tsik tsês đros cán bộ kiểm lâm thax tsav cxênhz yuôx har jôngr, luôx cêr cêv hluôr tơưk chia txo tsơưs cuz har jôngr. Iz chas ntơư, pêx xênhv tsênhv chos zuôr luôs 140 ha txir hơưk hâur har jôngr, đê tâu yax 100 tấn txir nhôngk/shông. Viv lês jông hâux lưv por hưv har jôngr, jok Pa Cư Sáng tưz tâu thêv 4 tỷ nhiax por hưv har jông/shông. Txix li nhiax por hưv har jôngr, iz chas phaiz trâu cxuô zis nênhs, jok tưz kênh iz kro cxiv puôz cxuô zav trâu hâur jok, muôz nhiax trâu têx nênhs lês hâux lưv por hưv har jôngr thiaz cxiv puôz cêr hâur jok.

Jok Pa Cư Sáng tưz jông siaz muôz 1,2 tỷ nhiax chia cxiv puôz 1 caik cêr hâur jok. Txos nhiv no, 100% txox cêr hâur jok ntêr 4 caik tưz tâu cxiv puôz khor kho, jông jav. Nhiv no, cêr muk trâu liax têz hâur jok taz tov tâu kriz đar chia zôngx ziv muk lok, thâux blêx, poz cưk, txir hơưk, tuôz ziz.

Txix li por hưv thiaz chos hơưk hâur har jôngr tưz paz trâu pêx xênhv Pa Cư Sáng sâu nju nhiax txiax, cxiv tsa luz nênhx tâu jông đuô.