Dự án tâu fuô lês txix hli 7/2022 txos hli 11/2023 thax tsav 4 xã: Ngọc Chiến, huyện Mường La; Suối Bàng, huyện Vân Hồ; Mường Sang, huyện Mộc Châu; Long Hẹ, huyện Thuận Châu; xav nhiax yax 1 tỷ đaiv. Hâux lưv fuô lês dự án chia cov pâuz lok sâuv saiz car, por hưv har jôngr thiaz por hưv cxuô zav đrox tsuôs; cxiv tsa têx cêr chai saiz car, sir zôngv têx nhiax por hưv har jôngr trâu hâux lưv saiz car, por hưv thiaz paz pêx xênhv muôx hâux lưv uô sâu nju nhiax txiax. Đros ntơư, moz siaz gruô hu pêx xênhv saiz car jôngr têx har jôngr; tsưx truôx, por hưv jôngr têx cêr chai hâur jêx jok thiaz têx txux chi jông txơưr hlo.

Trơưk cxênhz ntơưv cơ quan chuyên môn, têx njiaz luk ntơưv dự án tâu lês trơưk li cêr tuôr xav, pênhr xưv ntơưv cxuô lênhx lês dự án tâu cxiv kho đuô. Txix li yênhx côngz ntơưv dự án, zos qơư chuôz jos chia Liên hiệp têx Hội Khoa học thiaz Kỹ thuật tỉnh, Pênhr nhiax por hưv thiaz Huôv tsar har jôngr tỉnh tror fuô lês têx dự án por hưv har jôngr chia lês jông hâux lưv hâur ntu zuôr txos.