Lês tiar cêr xav nyiaz hur hâur cxiv kho jêx jok yiaz khov trâu têx nuv hlôngr sưv, cêr nox nhoz ntơưv pêx xênhv. Têx tổ chức chính trị, đoàn thể zos nênhs uô ntêx lông, côngv fuô kria, cxiv kho qơư txơưx xav, fiv huv tsênhz mênhx thax tsav. Ủy ban MTTQ Việt Nam thiaz têx tổ chức thành viên tưz côngv siz nzuôs fuô kria muôx liv hâur têx jâus li: Hnuz Nyiaz hur ntiax têz 5/6, Hli uô nuv viv cêr nyiaz hur, Six hơưv ar ntiax têz, Uô cov ntiax têz hur đuô... Đros ntơư, tso luk siz tưr “Tas nro pêx xênhv thôngx siaz cxiv kho jêx jok yiaz, đrôngs vav mênhx” đros đraiv cêr xav nyiaz hur, nto mông li: “5 tsik muôx, 3 hur”, “Tsêr hur, vax jông jav”, cêr muôx pax tơưs, ntông njuôz ntơưv Hội Pox niav; “Hnuz Chủ nhật njuôz”, “Hnuz thứ 7 jông siaz” ntơưv Đoàn Thanh niên. Têx tổ chức đoàn thể gruô hu đoàn viên, hội viên paz pêx xênhv phênhz khâuz nhaz por tsês, khơưz kror trâu khâuz nhaz, tsêr tơưv trôngx fiv huv, yêv têx guôx tsiax cxu, uô trôngx lôngs jok, thoz thôngz cưx đêx ntưk đhâu cêr, cưx liax... thiaz ntâu công trình njuôz tsênhz mênhx, siz chos yôngv siaz truôx njês cêr nyiaz hur jêx jok.

Pos Hoàng Thị Lương Tâm, Phó Chủ tịch Ủy ban MTTQ Việt Nam tỉnh, thav pâuz: Ban Thường trực Ủy ban MTTQ tỉnh chox car, kria têx cấp, têx tổ chức chính trị - xã hội xair tsov qơư fiv huv tsênhz mênhx, trơưk cêr xav “Zuôr pêx xênhv đas jos cxiv tsa ntu nênhx”, lês tâu ntâu hâux lưv pov njôngr. Hâur ntu 2021-2025, Hội Liên hiệp Pox niav lês 580 công trình jêx jok yiaz, paz 42.293 ziv tâu cêr xav “5 tsik muôx, 3 hur”, lês trơưk 78 kror qơư sâu khâuz nhaz trox ntông, 152 kro qơư phênhz khâuz nhaz thiaz chos yiaz 840.859 ntông njuôz. Đoàn Thanh niên fuô lês cêr siz tưr “Tênhz tơưk pov cêr jêx jok” ntêr yax 100 caik, cxiv tsa thiaz kho đuô 104 công trình tâur đêx uô kôngz, qox pêx xênhv muk lok... Hội Cựu chiến binh zaz zâuv hội viên jav 260.336 thiar xưv phaz ar, yax 27.400 tus ntông, paz 28,2 tiv nhiax thiaz 105.238 hnuz đas jos uô cêr, uô cưx liax, kror đêx hla cêr. Hội Tuz kôngz zaz zâuv hội viên paz yax 7,7 tiv nhiax, jav 146.851 thiar xưv phaz ar thiaz 59.136 hnuz đas jos, siz chos uô hlôngr yiaz mênhx mov jêx jok.

Đros ntơư, têx thax tsav tưz ndo njôngr gruô hu nhiax txiax Têz qơư thiaz pêx xênhv chia cxiv tsa têx công trình por hưv cêr nyiaz hur. Txix shông 2021 txos nhiv no, yax 53 tiv nhiax tâu sir zôngv cxiv puôz yiaz, kho jông 5 yar tiax sâu, phâuk khâuz nhaz uô cê; yênhx châuv cxênhz kror trâu khâuz nhaz ziv nênhs, tsêr tơưv trôngx, công trình đêx hur tâu cxiv puôz txix nhiax xã hội thiaz pênhr nhiax chính sách. Tas nro tỉnh tưz cxiv tsa yax 5.500 luz thôngz trâu flâuz yuôx tuôx đrox, sâu thiaz  phâuk por tsês yax 155 tấn hnaz ntiv, siz chos por hưv đêx ar, hâur đêx.

Đros ntơư, têx nuv phênhz khâuz nhaz ntơưv qơư, chos ntông njuôz, chos pax trơưk ntus cêr, tưx saiz car tâu fuô lês muôx liv ntơưv qơư xã, jok. Txix ntơư, jêx jok hlôngr yiaz mênhx pêv: Yax 50% cêr jok, câuv jêx tâu kho đuô; 70% ziv tus tsiax muôx guôx hur fiv; 100% xã tuôr muôx tox nza; 98% pêx xênhv tâu zôngv đêx hur; 88% têx khâuz nhaz por tsês tâu sâu, khơưk. Cêr jok, câuv jêx hur, muôx ntông njuôz, điện chis pov cêr, fiax fuô kria cêr yêz; ntâu qơư jêx jok yiaz uô cêr cơưv lok sâuv nyiaz hur đros đraiv nuôv zax jêx jok tâu tsa yênhx, lês đêz đar. Thâuv zuôr lês trơưk qơư nov hâu 2 cấp, hur si tỉnh tưz muôx 90 xã tâu cêr xav nyiaz hur thiaz nhaz xênhz kar nox.

Zơưs Hạng A Su, Bí thư chi bộ, Thơưx jok Cát Lình, xã Mường La, thav tiak: Jok xav huôv tsar nuôv zax tox trôngz hâur pêk li ntơư tsik so saiz hloz têx tox trôngz cêr nyiaz hur. Txix têx nhiax por hưv har jôngr, jok côngv zuôr luôs 150 triệu nhiax puôz 43 luz tsêr tơưv trôngx fiv huv thiaz 53 luz kror ntiv khâuz nhaz zâu, paz têx ziv sâu khâuz nhaz, phâuk têx khâuz ntơưv qơư, siz chos por hưv cêr nyiaz hur đros đraiv huôv tsar nuôv zax truôx njês.

Cxiv kho jêx jok yiaz zos nuv uô tsik tsês, taix khov lês trơưr thiaz yôngv siaz têx cêr xav, hâur ntơư têx xav cêr nyiaz hur khov muôx côngv têk ntơưv tsôngv nênhs. Gruô hu nhiax txiax cxiv tsa, tsik lês côngz xưv saiz car têx qơư, cxênhz yuôx, đơưk cêr kial hiav, siz chos por hưv cêr nyiaz hur thiaz yôngv siaz cêr nox nhoz trâu trâu pêx xênhv.