Ntơưv phường Thảo Nguyên, têx vax txir khơưz kaz jiz siar piz tâu đê zos chôngz kruô xair chia tuôx đê txir thiaz nox cias txir khơưz kaz jiz zos pêx xênhv hâur thax tsav chos, tu tâu. Bax tok têx kruô trâu têx hnuz so zuôr txos, têx tsưr vax lôngs tưz moz siaz tu têx vax txir thiaz kria txos zuk luz vax txir đhâu têx mạng xã hội chia cov muôx chôngz kruô nuôv zax tuôx.

Tix lâus Vũ Trung Hải, Chủ chuỗi thương hiệu Jol Mộc Farm, phường Thảo Nguyên, haik pâuz: Nhiv no pêz muôx 6 ha têz chos txir khơưz kaz jiz. Nhiv no, têx txir khơưz kaz jiz tưz siar liaz vos; kruô nuôv zax tuôx txos tâu hênh đê, ndis shuôk, cxais zênhx zav thiaz nox têx txir cias ntơưv vax. Tsơưx kruô jông mal zênhv hnuz zênhv muôx chôngz kruô nuôv zax, iz chas hâux lưv kriz vax lôngs tok kruô tuôx ndis shuôk, đê txir mal pêz tsênhv muôx qơư trâu kruô uô fênhz suôz cias hâur vax txir khơưz, paz trâu kruô nuôv zax tâu ndis uô si lol six lov jêv thâuv tuôx txos lax trôngz Mộc Châu. 

Đros ntơư, têx trôngz, yênhx fênhr yuôx zêx njuôz xiaz nhoz trâu lax trôngz tsik zos paz trâu têx kôngz jông yênhx qơư trâu kruô nhiav tuôx nuôv zax, mal tsênhv chuôs li xar qênhv kruô nuôv zax blôngx siaz viv têx zav jông cax siaz lus, tox trôngz hâur pêk đros trâu ndis shuôk. Txos ntơưv no, kruô nuôv zax tsik zos pov cxuô zav jông mal tsênhv pâuz lol sâuv tsưr ziv ciz yuôx zêx, đê njik yuôx zêx, ciz yuôx zêx. Lar haik, mal hâuk iz taik đêx yuôx zêx Mộc Châu cuz lus thâuv nhoz tuôx đruôz đraz têx trôngz yuôx zêx zos iz kro uô trâu kruô ndo njôngr tsik plox trâu đruôz siaz.
Zơưs Lê Chí Long, Giám đốc Vinatea Mộc Châu, haik pâuz: Đros trâu hâux lưv huôv tsar côngz bê lax luôv yuôx zêx, Vinatea Mộc Châu tưz huôv tsar nuôv zax đros trâu jêx jol yuôx zêx Mộc Châu; cxiv tsa têx ki-ốt kria muôs hax huv, paz chia trâu têx kruô nuôv zax tâu hâuk siv đêx yuôx zêx, đros ntơư đê yuôx zêx thiaz ndis shuôk têx hâux lưv jol yuôx zêx.

Iz chas ntơư, kruô txos lax trôngz Mộc Châu jâus no, kruô nuôv zax tsênhv tâu mul shuôk, ndis ntâu qơư nuôv zax nto mông li: Thax tsav nuôv zax Mộc Châu Island, Happy Land Mộc Châu, Thax tsav nuôv zax đêx tsơưs tsuô Dải Yếm, Thax tsav so txuôs jos thiaz qơư uô si har jôngr ntông chiaz jol Áng, Hang Dơi, zênhx Mộc Lỵ, qơư cênhz cưv ndo txiax njis Trung đoàn 52 Tây Tiến, đros têx qơư nuôv zax jêx jol. Lar haik li Thax tsav nuôv zax Mộc Châu Island đros trâu qox iar Bạch Long tưr tâu 3 jâus ntiax têz, li: qox ntêr yax (632 thiar), cêr tâus puôz ntar trôngz đêz yax, đros trâu qơư uô si, qơư so ntơưv tsêr kruô chor tàu lol sik thax tsav glamping uô tâu jông trơưk li sâuv ntux; kruô nuôv zax tsênhv tâu nox têx hno kaz ntơưv têx tsêr muôz shôngz uô tâu.

Tix lâus Hoàng Mạnh Duy, Phó Giám đốc saiz car thax tsav qơư nuôv zax Mộc Châu Island, haik pâuz: Đơn vị tưz bax cxix cxuô vax tsê, tiz nênhs thiaz cxuô zav zov chinhr chia tok kruô ndax jâus so 30/4 - 1/5. Iz chas ntơư têx hâux lưv uô si, thax tsav nuôv zax tsênhv kriz ntâu zav hâux lưv jêx jol, muôx cêr uô nênhx thiaz cxuô txux chi nhoz jêx jol tox siaz, chia trâu kruô nuôv zax tâu saiz, tâu so.

Đhâu ndis shuôk cxuô thax tsav, qơư nuôv zax thiaz tâu nox têx hno kaz txơưr hlo ntơưv lax trôngz Mộc Châu, txos thâuv tsâuk ntux, kruô nuôv zax ho tuôx ntơưv đrôngs mul tơư – Ciaz hmo ntux Mộc Châu (phường Thảo Nguyên) thiaz qơư kriz txux chi “Cxuô zav xiv jông Mộc Sơn” (tổ dân phố Na Áng, phường Mộc Sơn) chia saiz têx txux chi cxuô hair nênhs. Ntơưv no, kruô nuôv zax tâu nox têx kar hno kaz txơưr hlo; côngv uô têx mor blâuv ntâu zav, uô mor trax; hiaz tơưz; ntok ntâuz txaix, uô xor pax, trâuk gax; tuôr nduôr blêx blâuv, shơưk ntuôs, cok chiaz ntaz, tơưv lâus trâu sâuv đaiv ntâuz; đros ntơư tsênhv tâu sênhr chêr tuôr tơưk, sênhr chêr cho tsưz, đhia kênhx.

Txix li têx zav jông, têx qơư ndis shuôk jông fiv đros trâu bax cxix cxuô txix cias ntơưv cxuô qơư uô lax luôv nox hâuk, qơư nuôv zax, vav tiak zuôr muôx ntâu kror trâu têx kruô nuôv zax tuôx ndis shuôk, paz iz phênhv tưs fuô kria njux đuôz Thax tsav nuôv zax têz qơưk Mộc Châu – Kror qơư kruô nhiav tuôx uô ntêx hlo hâur têz qơưk thiaz ntiax têz.