Muôx njêx muôs ntơưv vok har txir khơưz kaz jiz Nà Ka, phường Thảo Nguyên, cias thâuv sơưr nzor, nhoz sâuv têx luz trôngz, ntơưv têx luz vax, kror tưs cux pov tiz nênhs muk đê txir. Chox pêz muk shuôk vax txir khơưz ntơưv têx ziv nênhs hâur tiểu khu, zơưs Tăng Xênhv Hơưx, Bí thư Chi bộ, Tổ trưởng Tổ dân phố Pa Khen, kria pâuz: Tổ dân phố muôx yax  500 ziv nênhs, hâur ntơư 90% ziv nênhs chos ntông txir khơưz xav hur si đar yax 150 ha. Têx ziv nênhs tưz moz siaz cxưx nhiax, por hưv jông txir khơưz zos li tsưr ziv tso tơưv, li ntơư txir lok six lox siz luôs jok, jông gâux; tuz luôv cxuô kror qơư tuôx nus sâu zuôr, bôngs kror siz pâuz hâur ntâu shông, li ntơư thiax muôx nênhs zuôr truôx njês.

Nhoz đruôz đraz vok har txir khơưz kaz jiz Nà Ka zos tix lâus Zax Xênhv Lâux, tổ dân phố Pa Khen vax txir khơưz đar yax 3 ha. Têx chês txir txi ndư, siar liaz vos viv tâu nưk ziv nênhs tas ntâu đas jos por hưv. Tix lâus Zax shir phaz thav: Tsov xav chiv chos txir khơưz shông no, cur ziv nênhs zuôr sâu tâu 30 tấn txir. Chia muôx ntâu têx luz txir lox siar jông gâux siz luôs jok li no, cur ziv nênhs tưz fuô lês ntov nti têx cxênhx cxênhv por hưv trơưk faz huôv tsar kôngz lông hur, sir zôngv qir mfông hữu cơ, tsês đrox chia por hưv ar nông thiaz txiar chês zos li tsưr ziv tso tơưv. Viv li, cur ziv nênhs chor txir khơưz puôr lênhx xiv guôr, kaz jiz thiaz muôx ntâu cuô txơưr đuô kror qơư. Tâu gri li nhiv no 1 chiaz txir khơưz cxuô hov muôs tâu txix 10.000 - 30.000 nhiax, tsov xav cur ziv nênhs zuôr sâu tâu yax 400 triệu nhiax nju. 

Tov kaz đê tas lok, têx tơưz txir khơưz kaz jiz siar tưz tâu pêx xênhv uô jông tso trâu sâuv têx luz yêz máy, yêz lox chia thâux muk muôs trâu têx qơư sâu zuôr. Ntơưv no, cêr uô luôv txir khơưz lok six đrông ntưk; yênhx châuv tus tiz nênhs uô hâux lưv tsik so. Tus nênhs no uô jông phaiz têx hov txir khơưz; tus nênhs tor ho ntiv txir khơưz hâur thôngz. Hâux lưv no tsuv uô jông uô li ntơư têx luz txir thiax jông gâux, tsik njôngs, nox kaz jiz, xiv guôr hâur ntu thâux muk muôs trâu tiax đrak.

Niav lâuk Nguyễn Thị Hương, tuz luôv tuôx ntơưv Thành phố Hà Nội, cê sâu ntơưr cê thav trâu pêz tiak: Txir khơưz kaz jiz Mộc Châu muôx ntâu lênhx pâuz txos viv txir lox, jông gâux thiaz nox kaz jiz đuô cxuô kror qơư. Shông no, pêx xênhv tsênhv fuôs lês jông tsưr ziv por hưv li ntơư txir lok six lox, khênhx siz luôs jok, jông gâux, nox lok six kaz jiz. Yênhx hnuz, cur sâu zuôr txix 10 - 15 tấn txir khơưz cxuô zav đros trâu iz chiaz muôs tâu txix 5.000 - 20.000 nhiax chia muôs trâu cxuô luz ciaz lox ntơưv Hà Nội thiaz thax tsav saz Kaz têz.

Tsik zos sâu tâu nhiax txix hâux lưv muôs txir, têx vax txir khơưz kaz jiz tsênhv tok kruô tuôx ndis shuôk, đê txir xav iz tus kruô muk lok hâur vax tas txix 30.000- 40.000 nhiax. Muôx lok six chôngz tus kruô hnar tsôngk hair nênhs tsơưs jông chia cxaik zênhx zav, cơư đuôz cias hâur vax muôx yênhx cxênhz luz txir khơưz siar liaz vos, tưx xuôk têk đê thiaz nox têx luz txir lox kaz jiz.

Niav lâuk Lê Quỳnh Anh, kruô nuôv zax tuôx ntơưv thành phố Đà Nẵng, shir phaz thav: Cur lok six shir phaz tâu ndis shuôk, siv uô tuz kôngz, êv cơưv, sơưr đê lok sik ndê muk đê têx luz txir khơưz siar thiaz nox cias hâur vax. Cur tưz xair đê têx luz txir lox, jông gâux chia zuôr lok uô huv krưr trâu tsêr nênhs thiaz fông zưs tâu nox.    

Nhiv no, lax trôngz Mộc Châu muôx zuôr luôs 3.500 ha txir khơưz kaz jiz. Đros paz tuz kôngz muôs tas txir khơưz, têx thax tsav nhoz lax trôngz Mộc Châu tsênhv cxiv tsa tsưr ziv cxơưz cêr lax luôv cias hâu shông. Đros ntơư tror kria cxuô kror qơư pâuz, cxơưz muôs txir khơưz trâu têx qơư uô luôv điện tử, têx siêu thị, tsêr thaz nzưr. Paz, gruô hu têx HTX, tsêr luôv hâur thax tsav sâu zuôr, tsik tsês xav tơưv têx huv tsư jông txix txir khơưz li: Txir khơưz kra kruôr, txir tsâu thax, cuô đêx txir khơưz kaz jiz, chơưr txir khơưz... Đhâu no, paz grêk tsơưs cêr chor nhov hâur uô luôv txir khơưz Mộc Châu. 

Zơưs Nguyễn Thành Văn, Chủ tịch UBPX phường Thảo Nguyên, kria pâuz: Chia kria cxuô kror qơư pâuz thiaz siz chos uô luôv hax huv txir khơưz kaz jiz Mộc Châu, kaz luz 5 hli zuôr txos no, phường Thảo Nguyên zuôr kriz Hnuz grâuv pax đê txir khơưz shông 2026 ntơưv vok har txir khơưz Nà Ka, tiểu khu Pa Khen. Đhâu no, chia paz trâu têx nênhs chos txir khơưz tâu siz njiz, cơưv shâuv, to tâuz, hlôngr yiaz tsưr zuv ziv chos thiaz por hưv txir khơưz; đros ntơư xav tơưv têx huv muôx gri txix txir khơưz. Ntơư cux zos jias gruô hu têx tsêr luôv tuôx tso pênhr huôv tsar kôngz lông thiaz nuôv zax, cxiv tsa huv nuôv zax jông, gruô hu chôngz kruô nuôv zax tuôx shuôk trâu Thax tsav nuôv zax Têz qơưk Mộc Châu.

Tâu kror côngv têk paz ntơưv nov hâu thax tsav hâur siz chos uô luôv kôngz txir nox, đros kror hlôngr yiaz cêr xar, moz siaz cxưx nhiax uô, sir zôngv chuôz zênhx jông lok por hưv, hlôngr yiaz hax huv txir khơưz kaz jiz, paz tâu zênhx max tiz nênhs siaz nhiav, tik bêx lax luôv zuôr cxơưz muôs tas kôngz txir nox, pêx xênhv lax trôngz Mộc Châu sâu nzir nhiax txiax truôx njês txix uô luôv txir khơưz kaz jiz.