Jias no, nênhs hlôngr njêx muôs Nhà xuất bản Giáo dục Việt Nam tưz muôz 18.946 fâu ntơưr yuôz tsiv nhos 276 triệu nhiax. Hâur ntơư, krưr 14.742 fâu ntơưr trâu shuv xênhz xã Sông Mã; xã Chiềng Khoong 226 fâu; xã Nậm Ty 2.808 fâu; krưr 1.170 fâu trâu shuv xênhz Yar cơưv THCS Mường Lạn.

Cux zos jias no, Công ty cổ phần uô luôv ntơưr yuôz thiaz chuôz zênhx kria ntơưr Tây Bắc tưz krưr 2.600 fâu ntơưr sâu thiaz 30 luz hnaz cơưv ntơưr trâu têx shuv xênhz mas ntux nas hiav, xav hur si yax 23 triệu nhiax.

Krưr ntơưr yuôz zos Nhà Xuất bản Giáo dục Việt Nam, Công ty cổ phần uô luôv ntơưr yuôz thiaz chuôz zênhx kria ntơưr Tây Bắc hâux lưv lês tsik tsês hâur yênhx shông uô ntêx shông cơưv yiaz, nhoz têx hâux lưv “Côngv paz shuv xênhz muk cơưv ntơưr", lar haik, zuôr tsuv paz uô ntêx trâu shuv xênhz thax tsav đriv têz, por trôngz hiar txưr, nhoz tox siaz, đêz đrôngs, thax tsav mas ntux nas hiav thiaz shuv xênhz zos ziv nênhs muôx côngz chor mê nhuôv. Hâux lưv no tsik zos paz shuv xênhz muôx txưv fâu ntơưr yuôz uô ntêx shông cơưv yiaz xưz mak tsênhv paz cxaz nzir ntâu fâu ntơưr kria, cơưv ntơưr trâu shuv xênhz thiaz cưk kria ntơưv thư viện hâur yar cơưv.