Yênhx côngz hâur hmo suôx câuv zos têx zav uô tiz jông bax. Txix li têx hnuz nhiv kruôr piz, Ban tổ chức tưz paz trâu Qơư nuôv zax têz qơưk Mộc Châu nto mông đêz đar, yax hlo zos Mộc Châu Island, yênhx qơư tâu chôngz lênhx pâuz txos. Tsưr ziv kriz hâux lưv zov chênhr no ntơưv thax qơư nuôv zax nhoz trâu tox siaz tưz paz muôx têx zav hlôngr yiaz jông, paz max chia tỉnh Sơn La huôv tsar nuôv zax.

Pos Đàm Hương Thủy, Thơưx Ban tổ chức jias tưr Gâux njuôz Nuôv zax Dân tộc Việt Nam 2025, haik pâuz: Ntơư zos thơưx jâus Jias tưr Gâux njuôz Nuôv zax Việt Nam tâu kriz, zos qơư piz chia lês cov muk ntêr lơưv zar tov ntêx. Jias tưr tâu kriz trơưk đraiv li njiaz luk tâu Ban tổ chức tuôr xav, ntơư mak zos kruôk txos têx cêr jông gâux thiaz siz khov, fuô kria nuôv zax, txux chi Sơn La txos trâu têx fôngx zưs, kruô nuôv zax hâur têz qơưk thiaz oz chas têz.

Hmo suôx câuv ntơưv Mộc Châu Island tưz tâu uô tiz jông bax, tâu têx nênhs saiz nhiav, txix li sav thiax txos trâu têx tsôngk hnar puôr lênhx jông. Cêr cxơưz jos ntơưv yênhx cxênhz lênhx nênhs tưz kria mênhx jias tưr no zos jias tâu chôngz lênhx pâuz txos.

30 tus nxaik nhoz hâur cxuô thax qơư hur si têz qơưk, lơưr tưz uô tiz jông bax tưr tâu jông. Txix li muôx ntâu hair nênhs tưz paz trâu nthuôr tâu ntâu zav txux chi txơưr hlo hâur jias tưr, uô trâu hmo suôx câuv yênhx hmo kruôk txos têx cêr jông gâux ntơưv lênhx pox niav Việt Nam.

Tưr tâu jông hâur cxuô phênhv tưr, thí sinh Trần Minh Phương, nhoz trâu Hà Nội tưz tưr tâu siaz yax, yênhx Gâux njuôz Nuôv zax Dân tộc Việt Nam 2025. Nưk haik tiak: Hâur ntu zuôr txos, cur zuôr đros Ban tổ chức thiaz tỉnh Sơn La lês têx hâux lưv siaz đơưz, fuô kria lok sâuv txux chi, nuôv zax, lês jông phênhv shuôv ntơưv iz lênhx Gâux njuôz Nuôv zax Dân tộc.

Iz hâur têx hâux lưv zov chênhr hâur jias tưr zos hâux lưv tuôr xav tiêu chí jông gâux đros trâu phênhv shuôv paz trâu cxuô lênhx cxuô tus thiaz fuô kria txux chi, yênhx iz kro qơư kruôk txos ntâu têx txux chi. Tsênhv chênhz zos phênhv tưr hnar tsôngk yo jông, têx nênhs tưr tưz kria pâuz mênhx txos têx txux chi, cênhz cưv txix li têx tsôngk yo txix li tsôngk hnar Hmôngz, Poz ziz, Choz tsiz, Mêx jênhx...

Kria pâuz têx zav nhiav thâuv tuôx côngv jias tưr no, muôv Trương Thị Hoài, dukruô nuôv zax nhoz trâu tỉnh Hà Tĩnh, thav pâuz: Cur tưz sox njôngr jias tưr no cias thâuv nhiv kruôr piz thiaz tuôx trâu Mộc Châu Island saiz jias tưr no. Kror cur nhiax yax zos têx zav uôk Ban tổ chức tưz uô tâu jông. Têx nênhs tưr têx đuôz tâu cxaik ntơưv têx tsêr tsar lơưx, trôngz yuôx zêx, catwalk sâuv qox iar Bạch Long... tưz paz trâu trâu têx nênhs tưr kria tâu têx txux chi jông ntơưv cxuô hair nênhs, paz trâu tox trôngz, hâur pêk ntơưv Mộc Châu jông jav đuô.

Muôx luk phông côngz hmo suôx câuv jias tưr, đồng chí Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh, haik mênhx: Sơn La, thax tsav muôx ntâu zav txux chi, mak jias tưr zos jias chia fuô kria txos trâu têx kruô nuôv zax hâur têz qơưk thiaz oz chas têz pâuz txos têx txux chi txơưr hlo, pâuz txos têx tox trôngz, hâur pêk, tiz nênhs nhiav kruô. Hâux lưv no đros trâu têx hâux lưv nthuôr txux chi - nuôv zax tâu kriz tsik so, zuôr paz trâu nto mông đêz đar, siz khov, cxơưz paz gruô hu têx tus khênhx, paz pơưs muôz nhiax lês hâux lưv, fuô kria têx đuôz nuôv zax Sơn La.

Yênhx côngz ntơưv Jias tưr Gâux njuôz Nuôv zax Dân tộc Việt Nam 2025 zos tưz paz lês nto mông đêz đar hâur ntu yênhx jias tưr xair nênhs jông gâux txâuk njênhs, zok nriar tâu têx nênhs pâuz txux chi - fuô kria nuôv zax tâu jông, tror paz trâu têx zav jông ntơưv 54 hair nênhs thiaz têx qơư jông ntơưv Việt Nam nto mông muk đêz đar đuô hâur ntu zuôr txos.