Luôs hâux lưv “Paz zus mê nhuôv” zos Trung ương Hội LHPN Việt Nam gruô hu lês txix kaz shông 2021, chia paz hluz, zus têx mê nhuôv njuôs tiv zos moz Covid-19. Đhâu zuôr luôs 3 shông lês, luôs hâux lưv tưz tâu 100% hội pox niav cxuô cấp hâur tỉnh côngv lês thôngz cxuô ban, ngành, cxuô qơư. Cxuô cấp hội tưz siz chos fuô lês, sâu hur tiz si bê têx mê nhuôv njuôs nhoz hâur thax tsav tỉnh; njuôk tsov mênhx yênhx lênhx mê nhuôv têx cêr txov nhêv, têx nênhs tu têx mê nhuôv njuôs luz nênhx, txix ntơư, thiax pov kaz paz cov fiv huv.

Luôs hâux lưv tâu cxuô cấp, cxuô ngành, ntâu paz pơưs, tus khênhx hâur tỉnh thiaz oz chas tỉnh côngv lês. Cxuô zav côngv tâu chox muk paz têx mê nhuôv njuôs, li: Zuôr ntơưr njuôk kho moz trâu shâuv xênhz; paz iz phênhv nhiax thêv tsêr cơưv, zuôr chuôz zênhx cơưv ntơưr, trik yo, kar hno tsênhv chênhz... Txos nhiv no, muôx 222 tus mê nhuôv njuôs tâu hội pox niav cxuô cấp hâur tỉnh paz thiaz khov têx paz pơưs, tus khênhx, têx nênhs siaz đơưz paz.

Ndax jias no, Hội LHPN tỉnh tưz muôz ntơưr kruôk puz trâu 15 paz nênhs, 7 tus khênhx lês jông  hâux lưv “Paz zus mê nhuôv” ntu 2022-2024.