Ndo njôngr số hlôngr côngz xưv Đoàn

Hlôngr số tâu Tỉnh đoàn xav zos iz hâur têx faz hlôngr yiaz cêr chox car, lês, kriz uô côngz xưv đoàn thiaz cêr siz tưr uô nuv hluôs nênhs. Nhiv no,  cêr zôngv chuôz zênhx tâu fuô lês siz luôs hâur cêr kho uô ntâuz ntơưr, sâu cxuô zav fuô kria, saiz car đoàn viên thiaz chuôk txuôs môngz txos cơ sở.

Tix lâus Lò Mạnh Cường, Phó Bí thư Tỉnh đoàn,thav pâuz: Tỉnh đoàn sir zôngv muôx liv têx zav saiz car ntâuz ntơưr I-MTTQ,  pâuz kho đơưk têx nuv uô đhâu Zalo, Gmail; zôngv têx tsưs số hâur cêr sâu hur si fuô kria… paz uô tâu đas nuv, txo tsơưs ntơưr hành chính. Sir jos fuô lês phênhv đruôz máy car đoàn viên hâur zôngv Thanh niên Việt Nam; lês cêr saiz ntâuz ntơưr đoàn viên hâur App Thanh niên Việt Nam.

Luz 8 hli shông 2026, Ban Côngz xưv Đoàn thiaz hluôs ndêv nduô tưz taz nhav, kho uô yax  4.100 ntâuz ntơưr tuôx, tso tơưv yax 1.000 ntâuz ntơưr muk hâur têx  zav I-MTTQ; chiv hlôngr ntâu ntâuz ntơưr paz max cêr cơưv. Tưz muôx yax 70.000 lưv hluôs nênhs ndêv tâu chuôs têx nuv uô yôngv siaz pênhr xưv số zos Đoàn - Hội - Đội têx cấp fuô lês. Hlôngr đổi số tsik zos luk haik xav lês muk, mak tưz pov njôngr yênhx chuôz zênhx yôngv siaz txiax njis nuv uô ntơưv tổ chức Đoàn.

Đros trâu số hlôngr lưv ciz chox lês, têx cấp bộ đoàn tsênhv tsik so zôngv chuôz zênhx, số hlôngrz nuv Đoàn. Tỉnh đoàn nhiv no taz tov lês trơưr saiz fanpage "Tỉnh đoàn Sơn La"; 100% cơ sở đoàn ntơưv xã, phường, yar cơưv muôx fanpage txơưr. Ntơư zos ntu fuô kria, txuôk chuôs  ĐVTN; uô tâu muk đêz đar têx cêr siz tưr, qơư uô jông, faz uô muôx liv, nênhs muôx côngz nto bê;đros ntơư fuô Đảng, Têz qơư têx cêr chai, têx cxênhx xưv chính trị hâur têz qơư thiaz tỉnh; fuô kria ĐVTN yôngv siaz phax txos njiaz luk tsik jông, hiav,  zuôv cêr tsênhz mênhx hâur mạng xã hội thiaz to tâuz sir zôngv mạng xã hội nhaz xênhz, muôx phênhv shuôv.

Đoàn viên Cà Thị Loan, tiểu khu 3, xã Quỳnh Nhai, thav tiak: Ntâu jax nuv jông tâu tso hâur fanpage “Tỉnh đoàn Sơn La” uô trâu cur txâuk siaz, yax hlo mak têx đoàn viên paz pêx xênhv thax tsav mas ntux nas cuôr yôngz, 2 đội viên nhoz xã Thuận Châu chơưv tâu mê nhuôv pôngz đêx lok sik têx công trình tsênhz mênhx, phênhv nuv muôx txiax njis uôk têx đoàn xã, phường hâur tỉnh lês. Têx jax thav, nuv uô jông tưz kria siaz chia ĐVTN pêz uô trơưk,tror cơưv shâuv trâu zuk thiaz huôv nzir qơư sơưr uô ntêx lông ntơưv hluôs nênhs viv tsôngv nênhs ntu nênhx.

Xuz muôz chuôz zênhx txos pêx xênhv

 Ndo njôngr hlôngr số ntơưv hluôs nênhs Sơn La tsênhv pov ntơưv têx công trình cxuô qơư muôx txiax njis. Têx cấp bộ đoàn tưz tsa tơưv thiaz lês trơưr paz chuôz zênhx số tsôngv nênhs trâu cxuô qơư, paz têx jok, thax tsav pêx xênhv nhoz, yax hlo mak thax tsav tox siaz, đêz đrôngs, đriv têz chia “ muk yênhx jok, yênhx luz tsêr”,paz nênhs đhok, zôngv têx uô nuv têz qơư pov njôngr,  xênhv bê điện tử, thêv nhiax tsik chêr ntơưv têk; côngv paz đhok thiaz kria sir zôngv “ Fâu ntơưr sâu đros têx đảng viên điện tử”. Ntâu qơư hlôngr số tâu têx cơ sở đoàn fuô lês txơưx fiv, li: “ Txox cêr phố tsik ro nhiax chêr ntơưv têk” ntơưv Đoàn xã Gia Phù; “ Luz tsêr txơưx njê số - tsêr trâu ntơưr yuôz số Tsôngv nênhs” hâur tsưs Google Sites ntơưv Đoàn phường Tô Hiệu…

Muôz hlôngr số trâu tổ chức têx nuv uô, cêr siz tưr Đoàn, Đoàn phường Tô Hiệu tưz tsa tơưv 6 Tổ hluôs nênhs uô nuv sai, paz 4.000 đảng viên ntơưv 26 tổ, jok thax đhok thiaz kriz zôngv yênhx côngz sir zôngv " Fâu ntơưr sâu têk đảng viên điện tử"; cxiv puôz công trình hluôs nênhs  “Bản đồ njuôz – Puôr fênhx số”.  

Tix lâus Trịnh Thế Dũng, Bí thư Đoàn phường Tô Hiệu, thav pâuz: Công trình “Bản đồ njuôz – Puôr fênhx số” tâu cxiv tsa hâur tsưs Google My Maps, số hlôngr têx fuôr fênhx uô têz qơư, qơư tsuv ndo; saiz têx mông txos cơ quan Đảng, nov hâu, MTTQ, yar cơưv, tsêr txux chi tổ, jok thiaz chiav đêx ar hành chính thax tsav phường. Đhâu bản đồ số, nênhs zôngv zôngx ziv saiz tâu qơư, đuôz zênhx zav, kria qơư txos yênhx xor tôngx thôngz đhâu mã QR lok sik cêr link. 

Ntơưv Đoàn Yar cơưv Đại học Tây Bắc,  chaix ntux sor shông no, Đoàn yar  cơưv tsa tơưv ntâu paz sinh viên jông siaz lês cxiax cxênhv “ Ntux sor số”, kria pêx xênhv kriz tài khoản xênhv bê điện tử VneID jông hov 2, paz cán bộ chuyên môn phường Chiềng Cơi, Chiềng Sinh, xã Chiềng Mung, Tân Phong lês cxênhz yuôx, uô zos thiaz hur qơư tsês ntâuz ntơưr đêx ar. Tix lâus Kiều Tiến Lương, Bí thư Đoàn yar cơưv, fuô kria: Đhâu uô nuv, sinh viên muôx cêr zôngv txux tâu cơưv tsênhz mênhx, shâuv cêr lês,  phênhv shuôv thiaz tok nrư tâu paz, tâu cxơưv cêr cxiv tsa xã hội số, nov hâu số ntơưv thax tsav.

Hâur 3 hli đhâu, têx cấp bộ đoàn thax tsav tỉnh fuô lês cxiax cxênhv “ Ntux sor số”, đros 85 paz jông siaz paz pêx xênhv chuôs têx sir zôngv số; paz têx  xã, phường yuôx, uô zos  thiaz hur qơư tsês ntơưr đêx ar; puz máy tính trâu pêx xênhv ntơưv xã Mường Cơi; kria nzir zôngv chuôz zênhx số trâu đoàn viên, thanh niên, ziv uô kôngz thax tsav ntơưv Đoàn xã Chiềng Cơi, Phiêng Pằn. Kriz 5 lớp “ Pêx xênhv cơưv số” paz yax 1.500 lưv tus pêx xênhv, nênhs ndêv nduô pâuz  têx số; choz puz chuôz zênhx, cxiv tsa ntu TikTok thiaz muôz zôngv qar livestream chuyên nghiệp trâu Đoàn xã Phiêng Khoài… 

 Thâuv yênhx tus đoàn viên yênhx iz tus nênhs fuô luk, iz tus nênhs kria têx zav số thiaz yênhx   tổ chức Đoàn yênhx iz qơư txuôk chuôs chuôz zênhx nhoz cơ sở, hlôngr số zuôr uô sai, muôx liv thiaz muk đêz đar. Ntơư zos faz hluôs nênhs Sơn La lês mênhx hlôngr cêr uô ntêx lông cxiv tsa nov hâu số, xã hội số thiaz chuôz jos trâu cêr huôv tsar truôx njês ntơưv jêx jok.