Công ty TNHH Siz khov huôv tsar nuôv zax jêx jol ntiax têz Việt Nam - Lok Tsuôk, tỉnh Hưng Yên zos tsêr luôv uô nuv hâur faz nuôv zax tok kruô cxuô qơư. Chia kriz đar thiaz huôv tsar qơư nuôv zax tok kruô cxuô qơư trâu thax tsav tỉnh Sơn La, Công ty tưz tsa tơưv Văn phòng Nuôv zax Hương Liên. Đros cêr xav “Muôx côngz – jông – tas siaz”, Văn phòng zuôr paz cxuô zav nuv: Paz luôx juk vé yêz za – tsêr kruô - tsêr so đros trâu têx zav sir tsơưs nhiax; vé ndis saiz, vé têx thax tsav uô si gas siaz; kriz pưs kruô zuk têz qơưk thiaz ntiax têz fiv huv; tuôr xav pưs kruô trơưk cêr khov ntơưv tus khênhx, ziv nênhs thiaz tsêr luôv. Têx nuv uô tâu xav cxix cxuô, fiv huv yênhx lênhx nênhs, yênhx paz kruô, chia pov njôngr cêr nuôv zax tâu jông.

Ndax jâus no, Hiệp hội Nuôv zax tỉnh tưz fuô quyết định lok sâuv côngk nhav hội viên trâu Công ty TNHH Siz khov huôv tsar nuôv zax jêx jol ntiax têz Việt Nam – Lok Tsuôk. Công ty TNHH Siz khov huôv tsar nuôv zax jêx jol ntiax têz Việt Nam - Lok Tsuôk tưz chos luk thiaz choz ntơưr chênhr nhav văn phòng hlôngr trâu Thơưx văn phòng hlôngr njêx muôs trâu ntơưv Sơn La. 

Cêr kriz zôngv Văn phòng Nuôv zax Hương Liên ntơưv Sơn La chia tsik so muôx cêr siz khov đuô, côngv huôv tsar nuôv zax ntơưv Hiệp hội Nuôv zax tỉnh Sơn La thiaz Hưng Yên; tsik so kriz đar cêr siz khov, côngv đros têx tsêr luôv hội viên, paz pêx xênhv thax tsav tỉnh muôx sênhv cêr xair tsov têx pưs kruô nuôv zax txâuk siaz.