Tsêr máy tso đêx jok Mòng thiaz têx car đêx ntu 1, zos dự án Cxiv tsa puôz Tsêr máy tso đêx jok Mòng thiaz car đêx, thành phố Sơn La (kuz) zos Công ty cổ phần VBIC Sơn La uô tsưr cxiv tsa. Qơư lês dự án liv đêx hur ntơưv pak đêx tâur uô kôngz jok Mòng tâu trơưk chai, đas jos muôx 27.500 m³/hnuz hmo. Dự án tâu phaiz trơưk chaix 3 ntu, hâur ntơư ntu 1 mak 10.000 m³/ hnuz hmo; ntu 2 mak 20.000 m³/hnuz  hmo; ntu 3 mak 27.500m³/hnuz hmo.

Ntu 1 ntơưv dự án tâu fuô lês txix luz 7/2023 thiaz tso đêx txix hnuz 5/11/2025 đros hur si têx nhiax cxiv tsa 102 tiv đaiv. Công trình muôx ntâu hov, li: Chuôz zênhx gruk đêx hâur pak, têx car gruk đêx ntêr 3,2 caik, têx qơư liv đêx kial nênhs 10.000 m3/hnuz hmo, pak trâu đêx hur 2.000 m3, têx qơư liv txo tos, têx qơư tso điện, qơư tso, tsưr ziv thiaz ntâu hov paz txơưr.

Hâux lưv tso đêx ntơưv Tsêr máy zos tso đêx đros chuôz zênhx jông, sir zôngv chuôz zênhx hur, liv đêx tsik tu, tsik muôx têx kial hiav qơư nhoz. Têx thông số, chỉ tiêu đêx tâu sox njôngr tưx pov online tsik so. Đêx hur ntơưv tsêr máy tâu txuôk chuôs têx qơư gruk tso đêx ntơưv Công ty cổ phần Tso đêx Sơn La, paz max cêr khov ntơưv pêx xênhv.

Tsêr máy tso đêx jok Mòng – Sơn La ntu 1 uô tiar, siz chos lês tso đêx hur, tsik tu, truôx njês, por hưv đas jos tsôngv nênhs; fiv huv cêr khov đêx uô nox hâuk thiaz uô kôngz, uô luôv, uô nuv ntơưv pêx xênhv têx phường thax tsav Thành phố (kuz).