Tsêr txux tâu cxiv puôz khor kho, đar 185 thiar xưv phaz, hur si nhiax tas 1,2 tỷ đaiv, txix li nhiax paz ntơưv Chính phủ Ấn Độ. Tov kaz 3 hli cxiv puôz, công trình tưz lês tiar, muôx: Tsêr txux chi, yar tiax, nja vax thiaz iz cxia hâux lưv txơưr. Tsêr txux chi jok Púng zos qơư cơư shâuv, fuô kria Đảng, Têz qơưk têx cêr chai txos trâu pêx xênhv. Đros ntơư zos qơư nthuôr txux chi, sênhr chêr, thể dục thể thao, cxơưz paz trâu pêx xênhv hâur jêx jok luz nênhx tâu jông, cxaz nzir cêr thôngx siaz cxuô hair nênhs.

Hâux lưv uô tiar thiaz muôz lok sir zôngv luz Tsêr txux chi jok Púng zos kror cêr siz thôngx siaz, siz khov txix li Việt Nam thiaz Ấn Độ hâur saz huôv tsar jêx jok, txo tsơưs cêr pluôs truôx njês thiaz paz siz chos cơưv shâuv têx txux chi ntơưv oz luz têz qơưk. Tsêr txux zos hâux lưv zov chênhr chia paz trâu xã Nậm Lầu tror hlôngr yiaz, cxiv tsa jêx jok yiaz đros trâu tsưx jông têx txux chi, cênhz cưv hâur ntu đros oz chas têz siz khov.