Thax qơư Pá Khôm, jok Pá Kạch muôx 34 zis pêx xênhv nhoz. Ntâu shông đhâu, hâux lưv muk lok ntơưv pêx xênhv thiaz shuv xênhz hâur thax tsav njiz ntâu cêr phiv liv viv zuôr tsuv muk đhâu tus đêx Tin Tốc, yax hlo zos hâur luz chaix ntux nas, đêx huôv lox uô phiv liv txos trâu pêx xênhv luz nênhx. Txix li têx hâux lưv muôx yưv ntơư, Tỉnh đoàn tưz đros têx đơn vị cxơưz paz thiaz UBPX xã cxênhz yuôx thax tsav, tsov xav nhiax chia cxiv puôz tus qox hla đêx.

Tus qox tâu piz uô txix hli 8/2024 thiaz uô tiar hâur kaz shông 2024. Siaz 2,5 m, ntêr 36 m, đar 1,4 m. Hur si nhiax tas 370 triệu đaiv, txix li pênhr nhiax ntơưv đoàn thanh niên têx đơn vị: Văn phòng Trung ương Đảng, Học viện Chính trị quốc gia Hồ Chí Minh, Xor tôngx chuô xa đuôz Việt Nam, Cục An ninh Chính trị nội bộ, Tập đoàn Bưu chính Viễn thông Việt Nam, Chi nhánh Tsêr nhiax huôv tsar Sơn La thiaz paz pơưs siaz đơưz tu zus têx mê nhuôv zâuk.

Ntơư zos hâux lưv muôx txiax njis ntơưv Tỉnh đoàn thiaz têx đơn vị cxơưz paz chia kênh tsơưs têx cêr phiv liv trâu cấp ủy, nov hâu thax tsav; paz trâu pêx xênhv, têx shuv xênhz zôngx ziv muk lok. Đros ntơư, tsênhv zos kror cêr siz hluz, siz paz tưx zênhv lês hâux lưv viv cxuô lênhx pêx xênhv ntơưv hluôs nênhs.