Tâu tsa yênhx shông 2016 đros trâu 3 lớp qir thơưx, đhâu 10 shông cxiv tsa thiaz huôv tsar, Trung tâm Paz huôv tsar choz kria cxiv tsa luz nênhx Minh Tâm nhiv no muôx 16 phòng kho moz tus khênhx 1-1, 2 lớp nox nhoz đros trâu iz paz muôx 20 cán bộ, cưk kria thiaz chuyên viên uô hâux lưv kho moz. Iz shông, Trung tâm tưz paz kho trâu 100 lênhx mê nhuôv khov tâu paz choz kria txơưr hlo thax tsav tỉnh. Nhiv no, Trung tâm muôx 5 luz luôs hâux lưv choz kria thiaz kho moz trâu têx nhuôv haik lul kênhz, tsik yuô njê thiaz mê nhuôv muôx moz…

Ntơưv jâus saiz hloz, cxuô đại biểu tưz sâu nhav thiaz kruôk têx hâux lưv Trung tâm uô tâu lol sâuv paz cxuô zav thiaz choz kria mê nhuôv muôx moz, mê nhuôv xar tâu paz chia uô nênhx xưk luôs; đros ntơư cxơưz paz trâu sơưr đơưk pâuz lol sâuv choz kria cov mee nhuôv muôx moz uô nênhx xưk luôs. Cxuô đại biểu cux muôx ntâu ndâux lul, ntâu faz tsưr ziv xav chia cov ntu zuôr txos uô jông đuô hâux lưv tu, choz kria mê nhuôv muôx moz, paz têx nênhs muôx moz uô nênhx xưk luôs....

Ndax jias no, Liên hiệp Hội lol sâuv Nênhs muôx moz Việt Nam tưz puz Ntơưr kruôk trâu Trung tâm Paz huôv tsar choz kria cxiv tsa luz nênhx Minh Tâm viv tưz uô tâu hâux lưv coz lol sâuv côngz xưv tu, choz kria thiaz paz nênhs muôx moz; puz Côngz mênhx “Viv nênhs muôx moz Việt Nam cêr uô nênhx yar ntux” trâu iz tus khênhx tưz tas ntâu đas jos trâu xưv cxênhz tu têx nênhs muôx moz.