Chiềng Lao tâu cxiv tsa txix muôz têx xã Hua Trai, Chiềng Lao thiaz Nậm Giôn, huyện Mường La kuz lok uô cê. Hur si xã muôx 39 jok, đros trâu yax 21.000 toz hâu nênhs, phênhv ntâu zos têx hair nênhs Poz Ziz, Hmôngz, La Ha, Kháng, Choz Tsiz côngv nhoz uô cê. Đhâu ntâu fâuv nênhs, pêx xênhv cxuô hair nênhs hâur xã tsênhv txuôs jông thiaz huôv tsar txux chi cênhz cưv kror muôx gri.

Ntơưv jias no, UBPX Chiềng Lao tưz puz qix saiz đaz muôs trâu têx jok, đơn vị yar cơưv côngv txuv hnuz grâuv pax; ntơưr kruôk trâu cưk xav tơưv cưr cxiax Minh Đức, Trung tâm Txux chi, Thể thao tỉnh xav tơưv jax gâux “Chiềng Lao hnuz yiaz”.  

Hâur Hnuz grâuv pax zuôr nthuôr têx hâux lưv txux chi, haik cưr cxiax, thể thao li: Siz chos tưr haik cưr cxiax ntơưv têx cưk txux hâur xã thiaz oz chas xã; nthuôr Hnuz grâuv pax Pang A, sik tưr tsav gox, hnar tsôngk hair nênhs tsơưs jông, tưr ntâuk bóng pox niav, txir nênhx, truz hluô, njuôk jos, por poz thiaz iz cxia têx cêr uô si trâu tiz nênhs tuôx saiz... 

Hnuz grâuv pax tsênhv nthuôr 6 qar tsêr huv muôs thax tsav têx huv kaz, jông yax hlo li njêk, kê, nxuôz, njuôs nhôngk, cuô txoz txux lov, jiz mur, tsôngk hnar hair nênhs tsơưs, tsêr tsar lơưx cênhz cưv, hiaz tơưz...; iz qar tsêr huv ntơưv têx yar cơưv fuô kria hlôngr pâur số.

Hnuz grâuv pax txux chi cxuô hair nênhs tâu xã Chiềng Lao kriz jâus xuz thơưx chia kruôk thiaz cxơưz cxuô hair nênhs nhoz hâur thax tsav xã kror thôngx siaz, huôv tsar txux chi cênhz cưv kror muôx gri, têx paz pơưs, tus khênhx lês jông cêr sik tưr "Hur si pêx xênhv thôngx siaz cxiv tsa luz nênhx muôx txux chi". Đros ntơư, tsênhv zos qơư uô si tsiv txiax, lov jêv ntưk chia pêx xênhv cxuô hair nênhs tâu siz njiz, cơưv shâuv, saz lax tsưr ziv txơưx huôv tsar kôngz lông, txuôs jông txux chi. Đhâu no, kria cxuô kror qơư pâuz thax tsav đuôz, txux chi jông, cxơưz huôv tsar nhiax txiax - xã hội hâur thax tsav.