Xã Lóng Phiêng nhiv no muôx 1.035 ha txir nkhơưz kaz jiz, xav hur si shông 2026 zuôr sâu tâu 9.600 tấn. Têx shông lol no, pêx xênhv tưz moz siaz hlôngr yiaz tsưr ziv chos, tu hur si, truôx njês, paz iz phênhv tưs cov txi ndư, txir lox thiaz muôs tâu gri. Nhiv no, hur si xã tưz sâu tâu 3.500 tấn txir, xav muôs tâu yax 110 tỷ nhiax, têx thax tsav muôs zos ciaz hâur tỉnh thiaz oz chas tỉnh.

Hnuz grâuv pax zuôr kriz hâur 2 hnuz xiaz 9 thiaz xiaz 10/5 đros trâu ntâu njiaz lul, li: Tưr đê txir nkhơưz kaz jiz, tưr tênhz tso qar huv thiaz kria têx hax huv kôngz lông, tưr kria lol sâuv trôngx têz Lóng Phiêng, cxuô hâux lưv tưr thể thao, sênhr chêr đros đraiv cxuô zav txux chi pêx xênhv cxuô hair nênhs thiaz ndis shuôk, đê txir ntơưv têx vax txir nkhơưz kaz jiz.

Cias tov kaz kriz, cxuô đại biểu tưz mul shuôk têx qar thaz nzưr tênhz tso hax huv kôngz txir nox hâur thax tsav thiaz njia njôngr thơưx jâus yêz thâux txir nox mul muôs trâu têx ciaz, kriz tâu cêr pâur muôs, cxơưz trâu txir nkhơưz kaz jiz Lóng Phiêng muôs tâu gri./.