Grâuv pax Pax huôv tsar tâu kriz hâur 3 hnuz (txix 20/3-22/3), đros trâu nthuôr ntâu hâux lưv txux chi, thể thao đrông ntưk li: Tưr hnar tsôngk hair nênhs tsơưs jông jav, tsa tsêr ntâu txux chi cxuô hair nênhs thiaz kria pâuz huv kôngz txir nox jông ntơưv thax tsav; têx hâux lưv siz njiz, siz tưr thể thao hair nênhs tsơưs; tưr “Uô jâuz mor kaz thiaz trâu trôngx mor cênhz cưv jông”, tưr cxov njêk… chia kria txux chi, kôngz txir nox jông txơưr hlo, xênhz txơưv, muôx liv huôv tsar nuôv zax ntơưv xã Tô Múa txos kruô nuôv zax đêz jê côngv pâuz.  

Ntơưv jias no tưz nthuôr cxiax cxênhv haik cưr cxiax “Xiv pax huôv tsar Tô Múa”. Cxiax cxênhv muôx ntâu jax cưr cxiax, sênhr chêr jông thav txos jax đaz nênhs Gâux njuôz Ban; kruôk txos Đảng, thax tsav hlôngr yiaz zos têx cán bộ, cưk haik cưr cxiax, sênhr chêr Trung tâm Uô luôv puôk tsar zav thiaz têx cưk txux, nênhs nhiav haik cưr cxiax, sênhr chêr xã Tô Múa côngv nthuôr.

Uô kaz ntơư zos phênhv tưr hnar tsôngk hair nênhs tsơưs jông jav muôx 14 lênhx tuôx ntơưv cxuô luz jok hâur thax tsav xã. Hâur têx tsôngk hnar cênhz cưv thiaz tsôngk hnar yiaz ntơưv têx hair nênhs Poz Ziz, Hmôngz, Cho, Mêx Jênhx, têx nênhs tưr tưz uô jông kria pâuz zuk têx kror jông jav, tâu ntâu tus pêx xênhv thiaz kruô nuôv zax tuôx saiz lov jêv buôx têk nxias. 

Suôx câuv cxiax cxênhv zos jax tuôr têk sênhr chêr thôngx siaz, trâur tơưk côngv uô lov jêv, hâuk chơưr xơưk shir phaz, đrông ntưk chox tâu sơưr đơưk cêr thôngx siaz tưz tsês trâu pêx xênhv thiaz kruô nuôv zax kror ndo njôngr tsik plox trâu đruôz siaz.