Jias no muôx têx đồng chí: Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; Nguyễn Đình Việt, Phó Bí thư Tỉnh ủy, Chủ tịch UBPX tỉnh; Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; têx đồng chí hâur Ban Thường vụ Tỉnh ủy, Ban Chấp hành Đảng bộ tỉnh, Thường trực HĐPX, UBPX tỉnh; thơưx car cxuô sở, ban, ngành ntơưv tỉnh, đros hur si cán bộ, đảng viên, pêx xênhv, cưk kria thiaz shuv xênhz têx yar cơưv phổ thông, cao đẳng, đại học, chiến sĩ têx tsôngv vũ trang hâur thax tsav tỉnh.

Hnuz grâuv pax nhênhv Ntơưr thiaz Khoa học Công nghệ tỉnh Sơn La shông 2026 zos hâux lưv muôx txiax njis lok six zov chênhr chia saiz hloz Hnuz nhênhv Ntơưr thiaz Txux chi nhênhv ntơưr Việt Nam (21/4) thiaz Hnuz Khoa học, Công nghệ Việt Nam (18/5) cux li Hnuz 21/4 tâu Liên Hợp Quốc công nhav zos Hnuz Muôx phaz nzưr thiaz Hlôngr yiaz ntiax têz. Hnuz grâuv pax tâu kriz đros trâu fuô lês ntâu hâux lưv muôx txiax njis zov chênhr, kruôk trâu hâux lưv nhênhv ntơưr kror muôx liv, kria pâuz sir zôngv công nghệ thông tin thiaz hlôngr pâur số, sir jos xav tơưv kror qơư ndis shuôk cêr txơưx njê lov jêv ntưk, huôv tsar đêz đar njiaz luk: “Ntơưr - Cêr txơưx njê - Chia siaz huôv tsar" thiaz Cêr txơưx fiv, chuôz zênhx jông thiaz hlôngr yiaz muôx phaz nzưr - Zos qơư chuôz zov chênhr paz sâu nju nhiax txiax”.

Ntơưv Sơn La, têx shông đhâu, cêr sik tưr nhênhv ntơưr tưz muôx ntâu hlôngr yiaz thiaz huôv tsar  muôx kaz hâu. Hệ thống thư viện, far tsês ntơưr tâu cxiv puôz txix tỉnh txos cơ sở đros têx thư viện cênhz cưv, thư viện tâus cêr, thư viện số… Txos nhiv no, hur si tỉnh tưz muôx yax 130 “Luz tsêr txơưx njê”, thư viện jêx jok đros têx lớp cơưv STEM, lớp cơưv txux chi hair nênhs tsơưs… iz phênhv tưs cxiv tsa têx qơư cơưv shâuv đros trâu hlôngr yiaz muôx phaz nzưr txix cias cơ sở. Têx chỉ số shông 2025 muôx 52,8% pêx xênhv nhiav thiaz gruôs cơưv shâuv; 83,47% ziv nênhs cơưv shâuv; 91,54% jêx jok cơưv shâuv. Shông 2024, Thành phố Sơn La kuz tâu UNESCO công nhav zos thành viên “Thành phố cơưv shâuv hâur hur si ntiax têz”, nhiv no zos  Siz chos cơưv shâuv hâur hur si ntiax têz.

Đros trâu cêr txơưx fiv thiaz chuôz zênhx jông, hạ tầng số hâur thax tsav tỉnh tror tâu cxưx nhiax uô, tỷ tsôngv toz hâu nênhs tâu zôngv huôz chuô 4G tâu 98,4%; huôz chuô 5G tâu 67,1%; hur si tỉnh fuô lês ntâu hâux lưv xav tơưv cêr txơưx fiv chuôz zênhx jông, tsưr ziv piz uô nox lok sâuv xav tơưv cêr txơưx fiv chuôz zênhx jông. Hlôngr pâur số tror tâu fuô lês tsik tsês; moz siaz chox car cxiv tsa Trung tâm tu tsês cxuô zav ntâuz ntơưr; Trung tâm chox car cêr txơưx njê (IOC)... Kror siz chos txuôk txux chi nhênhv ntơưr thiaz xav tơưv cêr txơưx fiv chuôz zênhx jông taz tov paz hlôngr yiaz tiz nênhs txơưx uô hâux lưv, cxiv tsa xã hội cơưv shâuv ntơưv Sơn La. 

Fuô luk kriz hnuz grâuv pax, đồng chí Chủ tịch UBPX tỉnh haik mênhx: Hnuz grâuv pax nhênhv Ntơưr thiaz Khoa học Công nghệ shông 2026 zos hâux lưv mênhx pêv chia fuô lês têx cêr tsov xav, hâur ntơư muôx ghị quyết số 57-NQ/TW hnuz 22/12/2024 ntơưv Bộ Chính trị lok sâuv hlôngr yiaz huôv tsar cêr txơưx fiv, chuôz zênhx jông, hlôngr yiaz muôx phaz nzưr thiaz hlôngr pâur số têz qơưk; Kria pâuz câuk luk số 17-TB/CQTTBCĐ hnuz 29/12/2025 ntơưv Tổng Bí thư Tô Lâm hâur Jias cơưv cxênhz đuô côngz xưv shông 2025, tsov xav shông 2026 lok sâuv hluôv tsar cêr txơưx fiv, chuôz zênhx jông, hlôngr yiaz muôx phaz nzưr thiaz hlôngr pâur số. Tỉnh Sơn La tưz iz phênhv tưs tsik tsês hlôngr pâur số hâur saiz car, chox car; cxơưz sir zôngv cêr txơưx fiv chuôz zênhx jông hâur huôv tsar kôngz lông thiaz luz nênhx; paz zênhx max trâu têx hâux lưv hlôngr yiaz muôx phaz nzưr, piz uô nox; đros ntơư hlôngr yiaz tsưr ziv pâuz sir zôngv chuôz zênhx jông hâur pêx xênhv. Hnuz grâuv pax zos chênhv chưr mênhx pêv trâu kror siz txuôk cêr txơưx njê cênhz cưv trâu cêr txơưx njê nhiv no, hâur txux chi nhênhv ntơưr thiaz chuôz zênhx số, hâur cơưv shâuv thiaz ntu nênhx huôv tsar.

Ndax jias no, zơưs Jonathan Wallace Baker, Thơưx Hlôngr njêx muôs UNESCO ntơưv Việt Nam, phôngv txos hnuz grâuv pax têx luk jông yax thiaz nhav nxiak: Hâux lưv txuôk ntơưr thiaz cêr txơưx fiv chuôz zênhx jông thiaz hlôngr yiaz muôx phaz nzưr tưz kria pâuz mênhx đuô cêr txơưx njê muôx vax huôv lok six zov chênhr, cê zos xưv cxênhx cê zos qơư chuôz muôx jos lox ntơưv kror huôv tsar. Hnuz grâuv pax zos luôs hâux lưv muôx txiax njis zov chênhr paz trâu têx kror sir jos no chia pêx xênhv pâuz cơưv shâuv, sir zôngv, hlôngr yiaz thiaz paz muôx liv trâu luz nênhx. UNESCO chos luk tror paz Việt Nam, hâur ntơư muôx Sơn La hâur tsik tsês cơưv shâuv hâur luz nênhx thiaz cxiv tsa jêx jok cơưv shâuv zos qơư chuôz muôx jos lox paz zov chênhr trâu huôv tsar truôx njês.

Ntơưv hnuz grâuv pax, tỉnh Sơn La cux kriz Jias cxiv tsa Trung tâm Sâu tsês cxuô zav ntâuz ntơưr ntơưv tỉnh. Trung tâm Sâu tsês cxuô zav ntâuz ntơưr tưz pâuz zôngv AI lok kria pâuz cxuô zav ntâuz ntơưr, txuôk, zok nriar ntâuz ntơưr trâu 3 cxênhx cxênhv số, li: Qơư côngv tâu zôngv ntâuz ntơưr muôx 333 zav ntâuz ntơưr ntơưv 18 sở, ngành; Trung tâm chox car cêr txơưx njê (IOC) cxiv tsa 191 tsưr ziv chox car ntơưv UBPX tỉnh thiaz têx sở, ngành trơưk li ntâuz ntơưr. Qơư sâu tsês ntâuz ntơưr muôx 395 ntâuz ntơưr tâu txuôk txix ntơưv Qơư côngv tâu tưx zôngv ntâuz ntơưr đhâu API tưz fuô 805 hov ntâuz ntơưr paz trâu pêx xênhv thiaz tsêr luôv zôngx ziv zok nriar ntâuz ntơưr... Ntơư zos hâux lưv uô tâu xuz thơưx thâuv cxiv tsa tiar kror qơư sâu tsês cxuô zav ntâuz ntơưr ntơưv tỉnh Sơn La.

Cias tov kaz jias no, têx đại biểu tưz ndis shuôk têx qar tsêr nthuôr cxuô hov fâu ntơưr, “Luz tsêr txơưx njê”, siv cor Robotics/Robocon, chuôz zênhx jông thiaz hlôngr yiaz muôx phaz nzưr...

Chia saiz hloz, fuô kria trâu hnuz grâuv pax, yax 300 luz yêz câur thiaz qix, tsôngk hnar puôr lênhx sâu njiaz luk haik txos txux chi nhênhv ntơưr, hlôngr yiaz muôx phaz nzưr đros chia siaz  tỉnh Sơn La tsik tsês huôv tsar tưz tsav yêz tâus cêr iz ndis Yar tiax lox Tây Bắc thiaz têx txox cêr lox nhoz phường Chiềng Cơi, Tô Hiệu.