Trơưk li pêx xênhv thav kria, hli 4 shông no, đêx gris li ntơư têx gox tuôx tsơưs đuô. Ciaz trơưk chaix tâu kriz txix zar tsâuk ntux hnuz uô ntêx, uô ciaz tok; luz ciaz trơưk chaix mal zos hnuz kaz txix thâuv 7 - 9 six hnuz kaz. Têx gox nhoz trâu têx  tỉnh: Nam Định, Bắc Ninh, Bắc Giang, Phú Thọ thâux ntâu zav hax huv tuôx muôs, muôx ntâu zav li câuk nur njêk, côngz, hluô txos trâu têx chuôz zênhx, hax huv sir zôngv thiaz tsôngk hnar, ntâuz cxuô zav.

Pêx xênhv nhoz hâur thax tsav tưz gra têx hax huv li: cxur nox, poz cưk, jâuz njuôz tuôx muôs. Muôs iz cxia tsôngk hnar tơưv lâus, ntâuz pax, têx tơưz hiaz tâu jông gâux. Têx fuôx cux thâux chưk, njêk zos pêx xênhv mul suô tâu hâur đêx Đà txix thâuv cux tâu chox tuôx muôs... Têx zav jông Vẻ bình dị, gần gũi, chân chất của chợ phiên vùng sông nước không chỉ là nơi giao thương, mà còn là nơi gìn giữ và phát huy bản sắc văn hóa dân tộc.

Yax 30 shông thâux huv ndê tuôx trâu têx ciaz kriz trơưk chaix ntus đêx Đà, zơưs Tạ Xuân Phú, tuz muôs huv nhoz tỉnh Bắc Giang, thav tiak: Cur chaix gox ndê tuôx txix li đêx Đà đhâu têx tỉnh Hòa Bình, Sơn La chia muôs hax huv trâu pêx xênhv. Thâuv ntêx, iz jâus kriz ciaz muôx txix 10-15 luz gox, muôx cxuô zav huv, muôx têx ntu mal iz đraz hli pêz li tror kaz mul thâux nzir hax huv. Nhiv no, cêr tâu kriz đar, pêx xênhv mul lol zôngx ziv. Hâux lưv zuôr hax huv cux ntâu đuô, li ntơư têx gox thâux hax huv tuôx muôs cux tsơưs. Taz sik, txos nhiv no, ciaz trơưk ntus đêx Đà cux tsênhv tsưx tâu têx txux chi iz txưv.

Puôs tas cik sơưr, pêx xênhv hâur thax tsav tưz cuz siaz lus mul ciaz, suôz luôs, siz hu zuôr hax huv lav lus trâu đruôz ntus đêx. Pêx xênhv uô jav sênhk tuôx zuôr, muôs hax huv. Tuôx trâu ciaz zok zuôr triav txuôk uô liax têz, tix lâus Đinh Văn Thành, jol Quế Sơn, xã Chiềng Sại, thav: Ntơưv no, hax huv đaz tsi cux muôx, tus gri tov thơưx. Cur tâu tuôx zuôr tsik tsês têx chuôz zênhx uô liax têz trâu tsêr nênhs. Iz chas ntơư, tsênhv tâu tuôx njiz têx cxênhz jêx, fôngx zưs.

Luz ciaz no tsênhv muôx têx hno nox li cuz thaz. Tsư ha lơưk đros trâu huôz chuô lax nzias, nyiaz hur thax tsav ntus đêx tưz chơư tâu chôngz kruô tuôx nox hâuk. Têx ntiv cuz thaz ntơưv luz ciaz no chuôs li kaz đuô viv muôx cêr shir phaz lus txix pêx xênhv tiax đras đraz têz thiaz kâuv têz tuôx côngv.

Pos Đinh Thị Khèm, Phó Chủ tịch UBPX xã Chiềng Sại, haik pâuz: Iz hli, ciaz ntus đêx Đà ntơưv xã Chiềng Sại tâu kriz 3 jâus, trâu hnuz xiaz 10, 20 thiaz 30. Xã tsik tsês đros têx cơ quan muôx vax huôv cxênhz têx hax huv muôs ntơưv ciaz, tsik chia muôx têx hax huv tsik pâuz qơư uô tơưv, tas hnuz nhôngs zôngv, huv tsik jông muôs trâu pêx xênhv zuôr. 

Đhâu niax jâus kriz ciaz ntus đêx Đà, xã Chiềng Sại, têx gox ho sơưr cêr mul muôs trâu đuô kror qơư. Nênhs muôs, nênhs zuôr lov jêv ntưk chia trâu thax tsav ntus đêx muôx cêr lax luôv, tsưx truôx txux chi jông txơưr hlo trâu thax tsav ciaz ntus đêx.