Côngv jias piz kriz muôx đồng chí Nguyễn Đắc Quỳnh, kuz Phó Bí thư Thường trực Tỉnh ủy, kuz Thơưx paz đại biểu Quốc hội tỉnh; thơưx car iz cxia sở, ngành ntơưv tỉnh; iz cxia xã, phường hâur thax tsav Mộc Châu, Vân Hồ; hlôngr njêx muôs têx tsêr luôv, HTX, zis uô lax luôv côngv jias kriz ciaz thiaz chôngz lênhx pêx xênhv, kruô nuôv zax.

Jias kriz ciaz muôx 115 qar huv ntơưv 107 tsêr luôv, HTX hâur têz qơưk, hâu ntơư muôx 20 qar huv ntơưv tỉnh Sơn La. Têx hax huv phênhv ntâu zos hax huv OCOP, kôngz txir nox, tsiax đêx ntơưv têx thax tsav hur si têz qơưk; têx chuôz zênhx sir zôngv hâur cxuô hnuz,...

Hâur jias kriz ciaz no tsênhv kriz têx hâux lưv fuô kria hax huv, chos luk siz khov txix li têx tsêr luôv. Jias kriz ciaz tsênhv tsênhv kriz nthuôr txux chi, sênhr chêr hâur cxuô hmo txix thâuv 8 six tsâuk ntux txos trâu 10 six iz tas hmo txix hnuz 28/8 txos hnuz xiaz 4/9.

Jias kriz ciaz chia paz fuô kria têx hax huv trâu têx nênhs sir zôngv. Ntơư cux zos hâux lưv zov chênhr chia têx tsưr cxưx nhiax, têx nênhs uô kôngz lông, lax luôv tâu siz njiz, siz chos cơưv shâuv tsưr ziv, zok nriar têx nênhs siz khov uô lax luôv, kriz đar qơư muôs hax huv.