Fuô lês ndâux luk chox car ntơưv Trung ương, ntơưv tỉnh lok sâuv uô trơưk cêr sik tưr “Pêx xênhv cơưv shâuv hlôngr pâur số”, cấp ủy, nov hâu phường Chiềng Cơi tưz fuô lês ntov nti, tso tơưv tsưr ziv, đề án, cxiv tsa Ban Chox car, paz nênhs paz uô hâux lưv, fuô lês siz luôs jok têx tsưr ziv chia cêr sik tưr huôv tsar toz đar trâu cxuô kror qơư. Têx chi bộ cơ sở muôz cxênhx cxênhv hlôngr pâur số lok cơưv trâu têx jias cơưv hâur yênhx hli, kriz cơưv chuyên đề “Đảng viên uô ntêx cơưv shâuv tsưr ziv số”, zok phênhv shuôv mênhx pêv trâu cán bộ, công chức, viên chức hâur hlôngr pâur số. Txos nhiv no, phường muôx 39 tổ chuôz zênhx số jêx jok, 386 lênhx, têx tổ hlôngr pâur số jêx jok uô hâux lưv paz pêx xênhv pâuz sir zôngv têx cxênhx cxênhv số, cêr lax luôv điện tử chia uô lax luôv.

Phường tưz moz siaz uô jông côngz xưv kria pâuz sir zôngv tsưr ziv hlôngr pâur số, tso cán bộ, têx nênhs hâur tổ chuôz zênhx số jêx jok muk txuv têx jias cơưv, kria pâuz sir zôngv tsưr ziv hlôngr pâur số zos thênhv siaz kriz; đros Sở Khoa học thiaz Công nghệ, VNPT Sơn La siz chos kriz têx jias kria pâuz sir zôngv tsưr ziv hlôngr pâur số trâu yax 500 tus cán bộ, công chức, viên chức, têx nênhs tưx zênhv lês jêx jok thiaz tổ chuôz zênhx số jêx jok nhoz têx yar cơưv, tsêr kho moz, tổ, jok.

Niav lâuk Tòng Thị Lan, thành viên Tổ chuôz zênhx số jok Nẹ Nưa, kria pâuz: Đhâu no, cur tâu kria pâuz têx tsưr ziv fuô kria xor mông, cơưv shâuv trực tuyến, tir tar chor nênhs đas nziak hâur mạng. Têx kror ntơư paz cur muôx pênhr xưv đuô thâuv sir zôngv chuôz zênhx số thiaz tror kria  pêx xênhv hâur jok côngv pâuz.

  Đros ntơư, têx đoàn thể chính trị - xã hội tsênhv moz siaz fuô lês cêr sik tưr, nthuôr têx hâux lưv fuô kria hâur jêx jok, côngv muôz lok đros kria pêx xênhv pâuz uô ntâuz ntơưr trực tuyến, sir zôngv cxênhx cxênhv “Mặt trận số”, têx kror muôx liv VNIED. Hội Liên hiệp Pox niav phường cxiv tsa tsưr ziv “Chi hội số”, “Ziv nênhs số” ntơưv jok Chậu Cọ muôx 40 lênhx, kria hội viên pâuz đhos tsưr ziv, xênhv bê điện tử, zok nriar tsưr ziv uô ntâuz ntơưr, sir zôngv cêr lax luôv điện tử, cxaz nzir tsưr ziv số trâu hội viên.

Cxơưz hluôk nênhs vax huôv uô ntêx lông hâur hlôngr pâur số, niav lâuk Lại Thị Thu, Bí thư Đoàn phường, thav tiak: Đoàn phường tưz cxiv tsa paz hlôngr pâur số muôx 10 lênhx zos cưk kria tin học hluôk thiaz bí thư chi đoàn têx tổ, jok. Kriz 3 jias kria yax 100 tus pêx xênhv pâuz sir zôngv têx cxênhx cxênhv số li “Pêx xênhv cơưv shâuv hlôngr pâur số”, “Mặt trận số”; gruô hu têx paz tưx zênhv lês đros trâu cêr sik tưr 3 phênhv shuôv, paz pêx xênhv uô tiar ntâuz ntơưr trực tuyến, kria pâuz so uô côngz xưv têz qơưk...paz huôv tsar đêz đar hluôk nênhs hâux lưv uô tiar phênhv shuôv, côngv tas đas jos thiaz tsưr ziv lês jông côngz xưv hlôngr pâur số.

Pos Đàm Thị Mai Hương, Phó Chủ tịch UBPX phường Chiềng Cơi, haik kria: Phường tưz đros VNPT Sơn La đros  App “Pêx xênhv số”. Tsưr ziv no paz cxênhz yuôx tâu thax tsav, saiz car pêx xênhv luz bê qơư nhoz, zênhx max tu tiar ndâux luk khov, đros ntơư, tsênhv tsa tơưv qơư xair tiz nênhs uô hâux lưv, uô lax luôv hâur jêx jok. Pêx xênhv zênhx max zok nriar tâu xor mông, saz lax cêr lax luôv, zok nriar hâux lưv uô cias hâur luz xor tôngx. Txos nhiv no, phường tưz cxiv tsa tâu 2 tài khoản quản trị hâur UBPX phường thiaz tài khoản trâu 30 tổ trưởng, hâu jok; taz tov kriz jias kria cán bộ, công chức, tổ chuôz zênhx số jêx jok pâuz đhos App; côngv muôz lok kria hâur tổ, jok têx jias cơưv chia tus pêx xênhv tưs cux pâuz sir zôngv hur tiz si.

Đros trâu tsưr ziv uô trơưk ntov nti, muôx phaz nzưr, cêr sik tưr “Pêx xênhv cơưv shâuv hlôngr pâur số” ntơưv phường Chiềng Cơi paz cán bộ, đảng viên, công chức, viên chức thiaz pêx xênhv hlôngr yiaz tsưr ziv số, fuô lês ntov nti Nghị quyết số 57 ntơưv Bộ Chính trị lok sâuv  huôv tsar cêr txơưx fiv, chuôz zênhx, hlôngr yiaz muôx phaz nzưr thiaz hlôngr pâur số têz qơưk, muôz chuôz zênhx số lok zôngv hâur pêx xênhv luz nênhx, cxiv tsa nov hâu số, xã hội số, hlôngr yiaz cxênhx cxênhz paz pêx xênhv tu tiar ntâuz ntơưr tâu sai.