Tuôx cơưv ntơưv tỉnh Sơn La muôx yax 100 lênhx zos cán bộ Đoàn, tổ hợp tác, HTX thiaz têx hluôk uô ntêx nyuôk hâur cêr lax luôv ntơưv tỉnh Sơn La.

Têx nênhs cơưv tâu têx chuyên gia kria OCOP cấp siaz tưz kria nzir têx tsưr ziv tsênhv chênhz li: Tas nro cxuô zav lok sâuv uô jông trơưk chai OCOP; iz cxia chai OCOP zuôr tsuv uô jông saiz thâuv xair huv; yênhx zav tâu xav mênhx, por hưv têx huv cux li muôs muôs huv, yơưz qơư uô tơưv têx huv; kria uô ntơưr chos luk kria mênhx zav zav huv, cêr chai thiaz phênhv shuôv ntơưv kror qơư uô tơưv zav hax huv.

Ntơưv jias cơưv, têx nênhs cơưv ntơưv tỉnh Sơn La tsênhv tâu shâuv cxênhz thiaz taau nus cias têx cêr phiv liv njiz trâu thâuv cxiv tsa huv OCOP, đros đraiv têx hax huv jông, nto mông.

Jias kria nzir tsưr ziv uô hax huv trơưk chai OCOP zos iz luz luôs hâux lưv zos Trung ương Đoàn tso yar lês chia kria nzir tsưr ziv cxiv tsa bê lax luôv, piar muôs hax huv OCOP trâu têx hluôk nhoz jêx jok tox siaz, paz maz lês jông Têz qơưk luôs hâux lưv cxiv tsa jêx jok yiaz ntu 2021-2025.