Jâus kria nzir kriz hâur 1 hnuz ntâu ( txix 11-12/8), 25 hội viên tuz kôngz ntơưv xã Yên Châu cơưv tâu jax chai txux thiaz lês siv cias, muôx kror kria cias ntơưv têx chuyên gia thiaz xiz hưz tuôx ntơưv Tsêr Tsov xav Shôngz ntông.

Njiaz luk cxiax cxênhv cơưv nzir tsưr ziv chos, tu saiz thiaz huôv tsar ntông tếch, muôx:  Taix khov tsưr ziv lok sâuv nôngz, cêr chos, tsưr ziv uô nôngz, chos ntông uô jôngr, tu saiz thiaz por hưv jôngr, txiar chês, yiz cov siz đrus  thiaz phax tar caz hmoz hiav. Iz chas ntơư, têx hội viên tuz kôngz tsênhv tâu cxaz nzir txux lok sâuv tsưr ziv chos thiaz tu saiz ntông vũ hương zos zav ntông muôx nux gri siaz, fiv huv huôz chuô, đêx ar thax tsav Kâuv Têz hnuz pôngz.

Ntơưv no zos têx njiaz luk ntơưv dự án “Cxơưz paz uô tơưv ntông chos jông txix li ntông tếch thiaz cxuô zav ntông muôx gri ntơưv têx ziv nênhs thiaz tsôngv nênhs hâur thax tsav ar sor (PP-Q/54-331A)”, chia cxaz nzir tsưr ziv uô tơưv, tok txos huôv tsar jôngr truôx njês thiaz kho nzir ntu nênhx tsôngv nênhs đhâu têx qơư uô tơưv ntông truôx njês.

Đhâu jâus cơưv, hội viên tuz kôngz tâu pâuz nzir tsưr ziv chos, tu saiz, huôv tsar ntông tếch thiaz ntông vũ hương, côngv đros ntông tếch thiaz cxuô zav ntông txơưr chia yôngv siaz cêr muôx liv thiaz jôngr jông, siz chos sâu nju nhiax txiax thiaz por hưv têx har jôngr.