UBND huyện chox car têx đơn vị chuyên môn, xã, thị trấn fuô chai kria hâux lưv; njuôk tsov yênhx zav hâux lưv chia xair cơưv thiaz têx nênhs nriar jos nhoz têx jok cơưv têx hâux lưv fiv huv. Iz chas ntơư, kria hâux lưv, paz têx nênhs uô hâux lưv tâu cơưv têx lớp cơưv kỹ thuật, tâu txaik pênhr huôv tsar nhiax txiax.

Zơưs Mè Văn Hải, Lưv Thơưx phòng Nội vụ huyện Yên Châu, haik: Phòng đros cxuô xã, thị trấn xair ngành nghề cơưv fiv huv têx nênhs uô hâux lưv. Đros ntơư, sir zôngv têx nhiax pênhr têz qơưk trơưk chai, kriz têx lớp kria hâux lưv lur hnuz nhôngs, li: Tu ntông, zus tsiax cxu, xơưk tsôngk yo công nghiệp,ouo kuôr hlâu, cxiv puôz... Iz chas ntơư, huyện cux tso yar kriz hnuz grâuv pax kria nriar hâux lưv, paz têx hluôk, shâuv xênhz nriar tâu hâux lưv fiv huv đas jos, pênhr xưv thiaz têx nênhs ntiar jos.

Txix shông 2024 txos nhiv no, huyện Yên Châu tưz đros Trung tâm nriar hâux lưv tỉnh, têx đơn vị lês 4 luz luôs hâux lưv “Hnuz grâuv pax kria nriar hâux lưv”, muôx zuôr luôs 150 luz tsêr luôv, yax 20.000 lưv lênhx nênhs nriar hâux lưv tuôx côngv. 2 shông lok no, huyện tsênhv đros têx tsêr luôv lox: Công ty TNHH Brother Việt Nam, Công ty Giầy Aurora, LG, Yar cơưv Cao đẳng Than - Khoáng sản… kria thiaz paz uô ntâuz ntơưr muk uô hâux lưv trâu têx têz qơưk Nhật Bản, Hàn Quốc, châu Âu zuôr luôs 3.200 lênhx shâuv xênhz THPT; chox 50 lênhx muk uô hâux lưv trơưk chos luk trâu têz qơưk đrâuk; kria hâux lưv trâu 3.000 lênhx zos hair nênhs tsơưs. Thôngz huyện taz tov muôx yax 2.000 lênhx uô hâux lưv ntơưv têx qơư công nghiệp oz chas tỉnh, fênhx đraz iz tus tâu txix 6 - 12 triệu nhiax/hli.

Cxuô cơ quan chuyên môn ntơưv huyện tưz đros têx tsêr luôv hâur tỉnh siz khov, li: Công ty CP Xi măng Mai Sơn, Công ty CP Mía đường Sơn La, Công ty CP Phân bón Sông Lam Tây Bắc, Công ty CP Giày Yên Châu… xair yênhx puô lênhx nênhs uô hâux lưv nhoz jêx jok muôx hâux lưv uô, saau tâu nhiax txiax truôx njês. Thâuv luz 4 hli xiaz shông 2025, niav lâuk Quàng Thị Hoa, jok Thín, xã Sặp Vạt piz muk uô hâux lưv trâu Công ty CP Giày Yên Châu, iz hli tâu5 triệu nhiax. Niav lâuk Hoa haik: Cur tâu cơưv yax luz hli, mav tâu cir ntơưr chos luk  uô hâux lưv. Hâux lưv cux fiv huv đas jos, nhoz jê tsêr, tâu nhiax hli truôx njês, tâu côngv nhiax bảo hiểm thiaz cxuô zav cêr paz trơưk chai.

Thâuv ntêx, ntơưv xã Phiêng Khoài, phênhv ntâu pêx xênhv tsuôk chos txir khơưz trơưk iz txưv khênhr uô, tok ntêx yar ntux nas xưz, li ntơư muôs tsik tâu gri. Têx shông lok no, tâu cơưv đhâu têx lớp kria kỹ thuật choss thiaz tu trơưk txir hur, zôngv khoa học kỹ thuật paz max, muôs tâu gri, sâu nju nhiax txiax đuô. Tix lâus Nguyễn Văn Doanh, jok Cồn Huốt 1, xã Phiêng Khoài, haik: Cur ziv nênhs muôx 5 ha txir khơưz. Txix li tâu cơưv tsưr ziv tu, cur thiax pâuz yiz têx chês lâus por tsês, cov tsik nzôngr, zôngx ziv tu, đê txir; luz chaix txi mak đê yiz têx txir zâu, trâu qir hữu cơ, tok đêx zưs. Li ntơư, luz vax txir khơưz iz shông đê tâu yax 40 tấn txir, muôs tâu 600 triệu nhiax.

Txos kaz shông 2025 no, huyện Yên Châu zuôr sir jos cov têx nênhs uô hâux lưv tưz tâu cơưv txênhz yax 73%. Huyện tror nriar hâux lưv, kria hâux lưv trâu têx nênhs uô hâux lưv, huôv tsar nzir qơư ntiar jos; paz nzir ntâu lênhx zôngx ziv xair tâu hâux lưv uô fiv huv, sâu nju nhiax txiax truôx njês, txo tsơưs têx nênhs tsik muôx hâux lưv uô, jav tâu ntâu zav tsik jông hâur tsôngv nênhs, tsưx hưv truôx cêr nhaz xênhz, txo cêr pluôs truôx njês.