Shông 2023, hâux lưv tsov xav khoa học thiaz công nghệ tsik tsês tâu sir jos, hur si cxuô zav thiaz sir zôngv ntâu trâu cêr uô kôngz thiaz nox nhoz. Tas nro tỉnh fuô lês 41 hâux lưv tsov xav khoa học thiaz công nghệ cik txos. Yax hlo saz kôngz lông, mak sir zôngv khoa học thiaz công nghệ hâur cêr huôv tsar têx zav nôngz thiaz chos jôngr Chiaz Caribê ntơưv tỉnh Sơn La; Tsov xav sir zôngv cxiv tsa qơư chos txir kiar nôngz yiaz tir tâuk ntux kruôr (nôngz Kiar Đuz) trơưk faz hữu cơ; Tsov xav cxênhz pênhr xưv ntơưv nôngz txuôv F1 ntơưv nhux BBB thiaz nhux txuôv Sind thax tsav tỉnh; Sir zôngv yêz za tsik muôx nênhs tsav (UAV) đhos fiv chuôz zênhx công nghệ 4.0 sox njôngr lox hloz, đas jos iz cxia kôngz kôngz lông (mo môngk, lưv tsiz)...

Têx cêr tsov xav lok sâuv nhiax txiax - xã hội, txiax njis tâu fuô lês iz jux juk li đề tài “Tsov xav cêr pâur muôs thiaz cxuô zav logistics sir jos muôs cxuô zav txir ntông ntơưv tỉnh Sơn La muk trâu iz cxia têz qơưk châu Âu”; “Sir zôngv chuôz zênhx fuô mông cxiv tsa qơư saiz car qơư đêx ntưk đhâu thiaz liv đêx kial nênhs đrôngs lox tso ntưk por tsês thax tsav thành phố Sơn La”; “Sir zôngv chuôz zênhx cxiv tsa qơư chia saiz pir tsês cêr uô têz qơưk txơưr hlo Tsêr tux Sơn La”..., paz huôv tsar têx ngành, têx faz thax tsav tỉnh.

Shông 2023, Sở Khoa học thiaz Công nghệ đros Cục Sở hữu trí tuệ, Bộ Khoa học thiaz Công nghệ lês hâux lưv kiz têz qơưk chos luk tsưx hưv, sir vax huôv zuk têx tsưr ziv paz hâux lưv saiz car thiaz huôv tsar côngz bê lax luôv têx hax huv, cêr nuôv zax pak đêx lox sông Đà ntơưv tỉnh Sơn La; kriz fuô ntơưr chiv chứng nhav “Cxur Phù Yên”. Đros Học viện Kôngz lông Việt Nam lês muôx liv têx qơư chos siv thiaz uô tiar lưv ciz tsưr ziv chos txir Kiar Mẫu Đơn, Kiar đuz tsik muôx nôngz, chos txir lưk suôr, cuô txoz fơưr, cox njuôz; uô tiar lưv ciz uô nôngz trơưk txaix buôs (lan Kim Tuyến) txix li tsưr ziv txuôk   invitro Thax tsav tsov xav zôngv têx tsưr ziv yiaz txơưx fiv khoa học thiaz công nghệ lok sâuv kôngz, ntông Mộc Châu...

Shông 2024, Sở Khoa học thiaz Công nghệ tsik tsês saz lax trâu tỉnh tso tơưv têx ntâuz ntơưr, tuôr xav nhiax txiax paz têx paz pơưs, tus khênhx cxiv tsa hlôngr yiaz chuôz zênhx;  zok têx hâux lưv uô tâu txơưx fiv khoa học công nghệ tưz sâu nhav trâu têx sở, ban ngành, đơn vị, UBPX têx huyện, thành phố sir zôngv, uô muk đêz đar hâur cêr lês tsênhz mênhx. Moz siaz lês saz lax, kria ntơưv têx hội đồng kria hâur hâux lưv taix khov kria tsov xav txơưx fiv khoa học muôx pâuk, muôx njik, tâu jông. Đros ntơư, tok lês hâux lưv tsov xav, sir zôngv khoa học thiaz công nghệ tsi njênhk hâux lưv ntơưv tỉnh, paz cxơưz cxiv huôv tsar nhiax txiax - xã hội thax tsav sai, truôx njês./.