Bí thư Chi bộ, Thơưx jok Pá Nó Cuz Xênhv Vax, kaz siaz thav: Zos jok tox siaz, li ntơư, phênhv ntâu pêx xênhv zênhx zos chos poz cưk, kol ntông thiaz zus tsiax lox. Ntơưv jok, ntâu shông đhâu zênhx tsik tâu muôx điện têz qơưk, ziv tưs muôx tês mak đhok điện yar ntux hnuz, taz sik cux tsuôk zos txâuk tơưk pov cêr xưz, ntu nênhx njiz ntâu cêr txov nhêv, hur si jok yuôr 53 ziv pluôs. Chaz điện têz qơưk tuôx txos jok, tưz chuôz jos chia pêx xênhv huôv tsar uô kôngz lông, cêr uô nênhx tâu jông đuô.

Fuô lês dự án chaz điện jêx jok txix ntơưv điện têz qơưk, txix hâu shông txos nhiv no, tsik zos jok Pá Nó xưz, thax tsav huyện Mai Sơn muôx 39 luz jok nhoz 6 xã, đros trâu zuôr luôs txos 1.600 ziv pêx xênhv hair nênhs tsơưs nhoz tox siaz, đriv têz, thax tsav lok sik txos nhêv huyện, li: Tà Hộc, Nà Ớt, Chiềng Dong, Phiêng Pằn, Mường Chanh… tâu chaz điện têz qơưk mul txos. Nhiv no, têx đơn vị tưz chaz tiar zuôr luôs 50 caik hluô chaz điện muôx jos hov đraz, jê 70 caik hluôs điện txo grik jông tơưk, 20 kror qơư hlôngr điện áp  thiaz đhok tâu 1.584 luz công tơ njuôk điện trâu têx ziv nênhs.

Chia cxuô hâux lưv uô tâu li tuôr xav, Điện lực thax tsav Mai Sơn - Yên Châu tưz saz lax trâu Công ty Điện lực Sơn La thiaz UBPX huyện Mai Sơn chox car nov hâu têx xã thiaz  ban saiz car têx jok fuô kria, zaz zâuv pêx xênhv paz trâu têx đơn vị uô, yax hlo mak côngz xưv yêv qơư. Taz sik, muôx 257 kror ndêx thiaz hluô điện trung thế muk đhâu thax tsav phiv liv, ntâu qơư tsik muôx cêr yêz ô tô, têx đơn vị tsuv kriz cêr chia cxok ndêx thiaz chaz mal tưz zaz zâuv pêx xênhv côngv yênhx puô cxênhz hnuz đas jos paz khơưz kror, truz hluô, chuôz  zênhx. Txos nhiv no, kror tưs cux uô tâu li cêr tuôr xav huv hnuz nhôngs, Điện lực thax tsav Mai Sơn - Yên Châu đros têx đơn vị uô tưz sâu nhav, tso điện têx qơư hlôngr txo áp tưz chok nxiak chia muôx điện trâu cxuô ziv nênhs pêx xênhv tơưk.

Zơưs Vũ Đình Phương, Phó Giám đốc Công ty TNHH cxiv puôz công nghiệp K28, đơn vị uô ntơưv têx jok ntơưv xã Tà Hộc, thav pâuz: Têx hâux lưv chaz điện trâu têx jok tsik tâu muôx điện ntơưv xã Tà Hộc, huyện Mai Sơn piz uô trâu luz 2/2023. Tiav sik tiv têx qơư muk lok tsik zôngx ziv, ho uô trâu chaix ntux nas, đơn vị njiz ntâu cêr txov nhêv, tâu nov hâu xã thiaz pêx xênhv paz max, đơn vị tưz sir jos hla đhâu cêr chor nhov thiaz uô tâu li cêr xav, txos nhiv no tưz uô tiar thiaz txo 7 kror qơư hlôngr áp tso điện trâu yax 200 ziv pêx xênhv zos hair nênhs tsơưs.

Đros cán bộ Điện lực thax tsav Mai Sơn - Yên Châu muk yuôx qơư hlôngr áp, têx hluô điện thiaz fuô kria pêx xênhv sir zôngv điện nhaz xênhz. Tâu cán bộ điện lực tsik so kria, li ntơư, têx ziv nênhs nhiv kruôr tâu chaz điện puôr lênhx pâuz sir zôngv điện, tsik lav tâu tưx zuk txuôk, đhok nzir kê tênhz điện, puôr lênhx zos công nhân điện lực lês.

Tix lâus Vũ Trọng Kiên, công nhân saiz car tso hluô thiaz qơư hlôngr áp, Điện lực thax tsav Mai Sơn - Yên Châu, haik tiak: Hâux lưv yênhx hli tsuv tâu muk luôx đrox cov qơư chaz hluô điện thiaz yuôx qơư txo hlôngr áp. Lar haik, xav li têx jok nhiv kruôr tâu chaz điện, tsuv tsik so cxênhz yuôx, kria têx pêx xênhv lês têx chai zôngv điện nhaz xênhz thiaz kria pêx xênhv zôngv têx chuôz zênhx nhiv kruôr zuôr yiaz.

Iz chas ntơư, chia cov muôx txâuk điện truôx njês zos đơn vị saiz car, Điện lực thax tsav Mai Sơn - Yên Châu tưz tsik so muôx têx tsưr ziv saiz car. Zơưs Lê Vinh Quang, Phó Giám đốc Điện lực thax tsav Mai Sơn - Yên Châu, thav pâuz: Qơư tso điện thax tsav tâu tso txix 5 kror qơư hlôngr áp 110 kV, ntu đhâu, cêr khov uô cxuô zav thiaz uô nox, hâuk ntâu, txos hâux lưv chaz điện txix li cêr xav uô tâu jông yax, iz cxia qơư hlôngr áp tso điện tsik txâuk, uô trâu têx điện chis tsik siz luôs, hiav xuôv điện thiaz nziv hiav puôk. Xav li iz luz jok tox siaz nhiv kruôr tâu chaz điện txos, tiv têx ziv nênhs nhoz tsis uô cê, li ntơư, muôx trơưr công nhân muk cxênhz yuôx tsik tsês, kria pêx xênhv sir zôngv điện nhaz xênhz.

Nhiv no, đros trâu hâux lưv nhav, saiz car têx qơư chaz điện txix hâux lưv chaz điện jêx jok tưz uô tiar cxiv tsa trâu zuk thax tsav, Điện lực thax tsav Mai Sơn - Yên Châu trâu siaz đros nov hâu têx xã, ban saiz car têx jok zaz zâuv pêx xênhv por hưv tas nro têx qơư tso điện. Đros ntơư, đros têx đơn vị uô tror kaz cxênhz yuôx têx qơư cxiv tsa, sâu nhav, chaz điện trâu têx ziv trơưk li cêr tuôr xav./.