Hâux lưv kriz nhoz hâur Dự án “Cxơưz paz huôv tsar nhiax txiax txix li chos har jôngr, nuôv zax truôx njês txix li sir zôngv nhiax por hưv har jôngr ntơưv xã Ngọc Chiến, tỉnh Sơn La” zos Luôs hâux lưv huôv tsar Liên Hợp Quốc (UNDP) thiaz Luôs hâux lưv cxơưz paz têx dự án zâu ntơưv Pênhr Por hưv har jôngr ntiax têz (GEF SGP) muôz paz, chia huôv tsar nhiax txiax đros trâu por hưv har jôngr thiaz huôv tsar nuôv zax truôx njês ntơưv thax tsav.

Cias tov kaz jias tso yar, têx đại biểu đros chôngz lênhx pêx xênhv tưz chos 271 tsoz ntông ntơưv txox cêr txix jok Lướt txos jok Mường Chiến; paz chos 10.000 tsoz ntông ntơưv jok Nậm Nghẹp. Hâux lưv ntơư paz trâu sơưr đơưk pâuz por har jôngr thiaz cxiv tsa qơư nuôv zax nyiaz hur ntơưv thax tsav.

Ndax jias no, paz côngz xưv tưz puz 100 luz hnaz ntiv ntơưr, 50 câuk mov, 50 luz yo thiaz 500 fâuv ntơưr sâu trâu têx shuv xênhz njiz ntâu cêr phiv liv ntơưv Yar cơưv THCS xã Ngọc Chiến.