Ntơưv jias saz lax, Hội đồng Đội tỉnh tưz kruôk 11 xênhz nzưr tsiv txiax Zơưv Hloz Hôx cấp tỉnh shông 2025. Đros ntơư, tsênhv kriz phênhv tưr jax luk thav trơưk njiaz luk “Mê nhuôv zâuk Sơn La sik tưr uô trơưk 5 grê Zơưv Hloz Hlôx kria”, xair 5 liên đội nthuôr têx jax cưr cxiax, sênhr chêr, yuôz kênhx, yuôz trax, piar luk, kria pâuz liên đội têx hâux lưv uô tâu hâur fuô lês 5 grê Zơưv Hloz Hôx kria. Đros trâu 2 phênhv tưr: kriaz pâuz luz bê thiaz jax luk thav, đros trâu kria pâuz zuk têx kror uô tâu, tiz nênhs gruôs, uô hâux lưv jông hâur cơưv shâuv thiaz uô trơưk Zơưv Hloz Hôx ndâux luk kria.

Hâur jias no, Ban kriz tưr tưz cxênhz đuô têx hâux lưv uô tâu thiaz puz 1 hov iz, 3 hov pêz thiaz 12 hov tưr tâu tov thơưx trâu têx nênhs txuv Jias tưr cok đuôz jông trơưk njiaz luk “Mê nhuôv zâuk Sơn La sik tưr uô trơưk 5 grê Zơưv Hloz Hlôx kria”. Jias tưr tâu gruô hu hâur têx liên đội hur si tỉnh txix hli 4/2025.

Cux ntơưv jias saz lax, Ban kriz tưr tưz puz 20 hnaz huv trâu mê nhuôv uô nênhx txov nhêv hâur thax tsav huyện Sông Mã, xav iz poz huv tsiv nhos 300 cxênhz nhiax.