Ntơưv tsêr txux chi jok Nà Lếch, têx cưk txux tưz lês cêr chai đaz kruôk Pang A. Têx cêr chai đaz kruôk tâu lês ntơưv tus ndêx nxông “Xặng pang”. Ntơưv tsoz ntông thiaz tus tsơưz đai lok six ntâu têx chuôz zênhx sir zôngv hâur cxuô hnuz thiaz têx chuôz zênhx uô đaz kruôk. Cêr chai no tâu kriz chia kria pâuz têx zav lês tâu txos trâu têx pox côngz, zơưv txưr, thor cov tâu jông ntux, sâu tâu nju kôngz, pêx xênhv luz nênhx tâu jông.

Thâuv tus txir nênhz uô cêr chai, đaz kruôk, pêx xênhv hâur jok siz chos sênhr chêr thor ntux hnar, siz tưr por poz, đhia hluô; têx tuz nxaik hluôs tưz siz chos sênhr chêr paz trâu hnuz grâuv pax lov jêv ntưk, kria pâuz mênhx têx zav muôx txơưv luz nênhx cxuô hnuz ntơưv hair nênhs La Ha. Yax hlo hâur phênhv grâuv pax Pang A tsênhv sênhr chêr jax Sừng Lừng thor cov tiz nênhs muôx đas jos, khưr tâu nox tâu hâuk.

Chiềng Lao nhiv nov muôx 6/39 jok phênhv ntâu zos hair nênhs La Ha nhoz. Ntâu shông đhâu, pêx xênhv hair nênhs La Ha tsênhv tsưx tâu jông têx txux chi, cênhz cưv, txix li têx cêr grâuv pax, tsôngk hnar, sênhr chêr...

Jias grâuv pax Pang A zos txux chi, cênhz cưv tâu kriz chia thor cov tâu jông ntux, uô tâu kôngz, thor cov muôx đas jos thia uô tsâus txos xênhz têz, xênhz qơư chia por hưv pêx xênhv hâur jêx jok đas jos. Hâux lưv kriz cxiv kho đuô cêr grâuv pax Pang A chia tsưx tâu jông têx txux chi, cênhz cưv cxuô hair nênhs hâur thax tsav xã.