Jâus no, paz nênhs tưx zênhv uô hâux lưv tưz cxok pax ntơưv Mnov Zơưv Hloz Hôx thiaz pêx xênhv cxuô hair nênhs Tây Bắc, Yar tiax lox Tây Bắc. Sơưr ntơưv thax txi Chủ tịch Hồ Chí Minh, paz nênhs tưz muôx lul ndo txiax njis Chủ tịch đas jos thiaz tsưr ziv. Đros ntơư, kria pâuz tỉnh Sơn La têx hâux lưv uô tâu hâur cêr sik tưr gruô hu sơưr đơưk tưx zênhv côngv muk tso nyar ntu đhâu, kria pâuz pêx xênhv cxuô hair nênhs Tây Bắc kror uô ntêx lông, siz hluz siz paz trơưk njiaz luk "Hluz luôs cux li hluz zuk".

Cias tov kaz jias cxok pax, paz nênhs tưz tsav yêz tâus cêr gruô hu sơưr đơưk tưx zênhv côngv muk tso nyar ntơưv têx txox cêr lox nhoz têx phường zov chênhr. Paz nênhs tsav yêz tâus cêr muôx 100 lênhx đros têx cảnh sát por hưv tsav yêz muk lok nhaz xênhz, yêz lox fuô luk tâus cêr thiaz 30 luz yêz máy tâu đai qix chia tsav yêz tâus cêr txix ntơưv Yar tiax lox Tây Bắc muk đhâu têx txox cêr zov chênhr, li: Cêr Hoàng Quốc Việt, Hùng Vương, Trần Đăng Ninh, Lê Duẩn, Điện Biên, Trường Chinh, Tô Hiệu… lov jêv, đrông ntưk gruô hu pêx xênhv, sơưr đơưk tưx zênhv côngv muk tso nyar.

Trơưk tsov xav, Cxiax cxênhv “Gruô hu sơưr đơưk tưx zênhv côngv muk tso nyar” jâus tiv 14 shông 2026 ntơưv Sơn La tâu kriz txix hnuz 23 txos 25/6, tsov xav gruô hu cov tâu 3.000 lênhx sâu bê tưx zênhv côngv muk tso nyar, tso cov tâu 2.000 đơn vị nyar ntơưv têx phường Tô Hiệu, xã Mai Sơn thiaz xã Phù Yên./.