Đrav ntêx, têx txox cêr muk lok hâur jêx jok ntơưv xã Phổng Lập lok six zâu muk lok txov nhêv. Fuô lês nghị quyết ntơưv HĐPX tỉnh, xã tưz cxiv tsa tsưr ziv lês mênhx pêv, moz siaz zaz zâuv, gruô hu, nzaz nzơưv kror paz max, jông siaz côngv lês ntơưv têx nênhs tâu pêx xênhv njênhs, txir ndâux txir lul hâur jêx jok chia gruô hu têx zis nênhs côngv lês thiaz xair jol Kẹ, jok Lặp lês uô ntêx chia sơưr đơưk cơưv shâuv, huôv tsar mul đêz đar trâu cxuô kror qơư.

Chox pêz muk shuôk txox cêr nhiv kruôr tâu laix huk ar tas, tix lâus Cà Văn Thiêu, Bí thư Chi bộ, Hâu jok Kẹ, kria pâuz: Xav txix txox cêr lox tỉnh muk txos jok ntêr 1,1 caik, đrav ntêx txox cêr no lok six zâu. Tâu zaz zâuv, 125 ziv pêx xênhv hâur jok tưz zênhv jav yax 1 ha liax, pak njêk, têz cà phê, ntông nox txir chia kriz đar txox cêr muk lok. Lar haik li têx zơưs: Lò Văn Hiếu, jav yax 1.600m²; Cà Văn Phủ jav 800 m²; Cà Văn Hánh ziv nênhs jav yax 500 m². Yênhx ziv pêx xênhv tsênhv côngv 120 cxênhz nhiax, đros chor nhiax thêv por hưv jôngr chia ntiar yêz laix huk ar uô cêr muk lok. Nhiv no txox cêr muk lok hâur jok tưz đar txos 6 thiar, xar tâu Têz qơưk tror paz lênhv bê tông, cxơưz pêx xênhv zôngx ziv muk lok.

Tix lâus Lò Văn Hiếu, jok Kẹ, haik mênhx: Cur pov hâux lưv kriz đar txox cêr lok six muôx txiax njis chia paz pêx xênhv zôngx ziv muk lok, jêx jok jông jav, li ntơư cur ziv nênhs tưz ruôr têx nja vax, trôngx vas, txiar cà phê thiaz jav yax 1.600 thiar xưv phaz ar chia uô cêr muk lok. Tsik zos cur ziv nênhs xưz, mak hur si têx ziv pêx xênhv nhoz oz saz ntus cêr puôr lênhx uô li.

Ntơưv jok Lặp, txox cêr lox tưz tâu muôz nhiax cxiv puôz; yuôr 1 txox cêr mê ntêr 0,6 caik muk lok đhâu 14 ziv cux tâu pêx xênhv jông siaz jav ar, ruôr têx nja vax, txiar têx ntông nox txir chia kriz cêr. Txos nhiv no tưz muôx 14 ziv pêx xênhv jav 600m² ar; côngv zuôr luôs 400 cxênhz nhiax/ziv nênhs chia laix huk ar kriz đar txox cêr txix 1 thiar txos 4 thiar.

Jav ar kriz cêr muk lok, cxiv tsa jêx jok yiaz muôx liv trâu sơưr đơưk thiaz trâu zuk tus khênhx zôngx ziv mul lol, li ntơư ntâu ziv pêx xênhv nhoz xã Phổng Lập tưz ntor txiar têx ntông nox txir, jav ar chia kriz cêr muk lok. Tov kaz yax 2 hli fuô lês hâux lưv, 138 ziv pêx xênhv nhoz jok Kẹ thiaz jok Lặp tưz jav 1,6 ha ar, yax 800 hnuz jos chia kriz đar 2 txox cêr muk lok hâur jêx jok.

Zơưs Lỗ Trường Giang, Phó Chủ tịch UBPX xã, thav pâuz: Iz chas zaz zâuv, gruô hu tsênhv fuô lês jông cêr chai vax huôv siz luôs hâur qơư nhoz, thâuv pêx xênhv tâu pâuz, tâu saz lax, tâu lês, tâu cxênhz yuôx thiaz tâu sir zôngv, mal pêx xênhv zuôr moz siaz lês đuô. Txos nhiv no, xã muôx jok Kẹ, jok Lặp tưz lês tiar côngz xưv yaik qơư nhoz yiaz, xã tưz kria UBPX huyện pâuz thiaz tok têx cấp, têx ngành paz nhiax chia kriz cêr muk lok trâu 2 luz jok trơưk cêr tuôr xav. Ntu zuôr txos, xã tror zaz zâuv, gruô hu pêx xênhv nzor yaik pêx xênhv muk nhoz qơư yiaz, huôv tsar siz luôs jok têx txox cêr muk lok đar pho, đu lus, hur si thiaz jông jav, sir jos uô tiar hâux lưv cxiv tsa jêx jok yiaz hâur thax tsav.

Tâu kror thôngx siaz, côngv têk uô ntơưv pêx xênhv đros chox car ntov nti ntơưv cấp ủy, nov hâu thax tsav, hâux lưv jav ar tưz paz kriz đar, cxiv kho têx txox cêr muk lok hâur xã Phổng Lập, pêx xênhv zôngx ziv muk lok huôv tsar kôngz lông, pâur muôs hax huv, cxơưz nhiax txiax, xã hội thax tsav tsik tsês huôv tsar.