Thax tsav tỉnh Sơn La nhiv no muôx 95 kror qơư cênhz cưv, hâur ntơư muôx 64 kror qơư cênhz cưv tâu xair tsov (2 kror qơư cênhz cưv zov chinhr, 16 kror qơư cênhz cưv têz qơưk tus, 46 kror qơư cênhz cưv cấp tỉnh) thiaz 31 kror qơư cênhz cưv tsik tâu xair tsov. Têx qơư cênhz cưv đros trâu nuôv zax, txux chi iz txưv muôx hâur thax tsav, tiz nênhs Sơn La thiaz tâu moz siaz por hưv, kho đuô, tâu kho tsik so. Ntơư zos thax tsav nto mông lol sâuv choz kria cêr nhiav têz nhiav qơư trâu cxuô fâuv hluôs thiaz têx zav nux gri jông lol sâuv huôv tsar nhiax txiax li nuôv zax.

Thax tsav têz qơưk qơư nuôv zax Mộc Châu tsik zos muôx jông tox trôngz hâur pêk mal tsênhv muôx ntâu zav txux chi cxuô hair nênhs, ntâu qơư cênhz cưv jông gri. Taz sik, têx qơư cênhz cưv ntơưv no tsik tâu pâuz txos ntâu, tsik kriz lês fiv huv txâuk trâu cêr huôv tsar.

Jâus saz lax tưz muôx 15 jax zos têx nênhs saiz car, nênhs txơưx xav, njuôk xav lol sâuv txux chi cênhz cưv haik ntâu txos têx njiaz lul, li: Saiz car, huôv tsar têx nux gri cênhz cưv txux chi đros trâu huôv tsar nuôv zax; cxênhz cxuô zav chia huôv tsar nuôv zax đros trâu nuôv zax cênhz cưv; tsưr ziv chox kruô, kria kruô nuôv zax txix Thax tsav têz qơưk qơư nuôv zax Mộc Châu đros trâu nuôv zax huyện Bắc Yên; tsov xav cênhz cưv, txux chi chia kho têx jax đaz nênhs, têx lul thav jông txơưr hlo trâu txux chi nuôv zax, paz iz phênhv tưs huôv tsar Thax tsav têz qơưk qơư nuôv zax Mộc Châu; hâux lưv fuô kria hâur cêr huôv tsar nuôv zax Mộc Châu thiaz têx qơư cênhz cưv tỉnh Sơn La; huôv tsar nux gri têx qơư cênhz cưv, txux chi đros trâu huôv tsar nuôv zax qơư cênhz cưv nhoz tỉnh Sơn La.

Đhâu saz lax, paz iz phênhv tưs cxiv tsa têx ntâuz ntơưr, cxênhz mênhx đuô têx zav muôx txơưv, tso tơưv tsưr ziv chia huôv tsar têx qơư cênhz cưv, njuôk xav cxiv tsa têx qơư têx zav huv nuôv zax cênhz cưv, txux chi, cêr đaz kruôk tâu kruô nhiav./.